Malagasy, Dramas: Piece 055 – Any am-ponja ny tsy manan-tsiny 3

This page in HTML4 - Print - Bottom

Home -- Malagasy -- Perform a PLAY -- 055 (Innocent in jail 3)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

55. Any am-ponja ny tsy manan-tsiny 3

Nihidy ny varavaran'ny efitrano ao amin'ny fonja. Nohidian'ilay mpiambina ny varavarana ary lasa izy. Nipetraka tao ambadiky ny bara tao an-tranomaizina i Josefa. Tsy meloka! Nanao izay tsara indrindra izy tamin'ny fankatovana ny rainy ka lasa nigadra indray izao. Afaka mahazo an'izany tsara ve isika? Dia nandeha anefa ny fotoana.

Nieritreritra foana i Josefa.

(Feon-kira ao anatin'ny fotoana hieritreretany)

Tao anatin'ny eritreriny, nahita ireo rahalahiny izy. Namidin'izy ireo tamin'ireo mpivarotra nitondra azy tany Ejipta izy, taona maro talohan'izay. Halan'izy ireo izy, satria Andriamanitra mihitsy no nilaza fa hataony mpanjaka lehibe i Josefa.

Tany amin'ny tanin'ny piramida sy ny farao no nividianan'i Potifara azy ho toy ny andevo. Nanao tsara ny asany i Josefa. Talanjona ny mpanompon'i Farao, tsy mbola nanana mpanompo tsara toy izao izy teo aloha. Nahomby avokoa ny zavatra rehetra nataon'i Josefa. Tsy nisy tsy mety izay nataony. Tokony holazaiko aminao ve ny tsiambaratelo? Andriamanitra no niaraka taminy sady nanampy azy isan'andro isan'andro.

Nanankina tamin'i Josefa ny tranony manontolo sy ny sahany rehetra i Potifara. Azo itokisana sady tena tsara tarehy i Josefa. Indro fa nanomboka nitsiriritra azy ny vadin'i Potifara. Nanao izay hisarihana azy ho any aminy izy mba hiara-matory aminy.

Ara-drariny ve izany? Ny lalàn'Andriamanitra manao hoe: Aza mijangajanga. Mbola mijanona ho marina tahaka ny teo aloha ihany ny lalàna ankehitriny. Nihaino an'Andriamanitra i Josefa ka tsy namela ny tenany ho resy lahatra tamin'ny vadin'i Potifara.

Indray andro dia nanandrana naka fanahy an'i Josefa indray izy.

Inona no ataonao rehefa misy olona manao izay hahatonga anao te hanao ratsy? Aoka hanahaka an'i Josefa ianao: nandositra ny fahotana izy. Rehefa nosamborin-dravehivavy tamin'ny lambany izy, dia navelan'i Josefa teny an-tànany iny ka lasa nandositra teny ivelany izy. Nisafidy ny tsy hanota miaraka tamin'ny vadin'ny lehibeny izy. Tezitra anefa izy ka nitady tetika hamelezana an'i Josefa.

Rehefa nody avy niasa ny vadiny dia nilaza taminy izy fa niditra tao amin'ny efitranony i Josefa ary niezaka nisarika azy ho eo aminy. Nilaza koa izy fa rehefa nikiakiaka izy, dia nandositra i Josefa dia namela ny akanjony. Nilaza izy fa porofo ho an'ny tenany izany.

Nino ny laingany i Potifara ka tezitra be tamin'i Josefa. Avy hatrany dia natsipiny tany am-ponja izy.

Fa na dia tao am-ponja aza izy, Andriamanitra dia niaraka tamin'i Josefa foana, ary izany no antony tsy mbola nahatapitra ity tantara ity.

Andriamanitra dia nanana planina ho an'i Josefa, na dia tsy afaka nahita izany avy hatrany aza izy.

Ho hitantsika izay hitranga amin'ny tantara manaraka.

Mpandray anjara: Mpitantara

This page in HTML4 - Print - Top