STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 055 (Innocent in jail 3)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

55. Onschuldich im Jefenkjnis 3


De Jefenkjnisdäa knault to. De Wajchta deed de Däa toschluten un jinj wajch. Josef saut hinja Jitta. Onschuldich! Hee haud daut rechtkji jedonen un wort doafäa enjestoppt.

Kaunst du daut vestonen?

Josef musst äwa aules nodenkjen.

(Leise Musikj bisied)

In Jedanken sach hee siene Breeda. Ver väl Joaren haben see am aus Sklow no Ägypten vekoft. See hausten am, wiels Gott jesajcht haud, daut hee von Josef eenen grooten Harscha moaken wudd.

Im Launt von de Pyramieden un Pfaraos haft Potifar am aus Sklow jekoft. Josef deed jiern aule Oabeit waut am oppjedroacht wort. De Offezia von Pfarao wundat sich, wiels hee haud noch niemols soo eenen gooden Deena jehaut. Aules waut Josef deed, kaum goot ut. Niemols haft hee eene Dommheit jedonen. Saul ekj die veroden waut daut Jeheemnis wia? Gott wia bie am, un haft am jeholpen.

Potifar haud am daut Hus un uk siene Flekja äwajeft. Josef kun maun gaunz vetruen un am sach daut uk schmok. Potifar siene Fru veleewd sich in am un wull, daut hee äa Maun wort. Es daut rechtich? Gott sien Jeboot heet: Du saust nich ehebräakjen. Daut es vendoag noch soo, un soo wia daut donemol uk. Josef deed opp Gott horchen un leet sich nich äwaräden.

Eenen Dach vesocht de Fru wada, Josef fa sich to veleiden.

Waut deist du, wan die wäa to eene beese Sach veleiden well? Doo daut uk soo aus Josef. Hee rand wajch un es von de Sind utjekläft. Aus de Fru sienen Rock fausthoolen deed, deed hee sich loosrieten un rand one Rock wajch. Hee deed sich met de Fru von sienem Wiet nich vesindjen. De Fru oajat sich, un docht sich eenen sea schlajchten Plon ut. Aus äa Maun von siene Deenstreis nohus kaum, vetald see am, Josef wia in äare Sto nenjekomen un haud met ar Sposs moaken wullt. Aus see dan lud jeroopt haud, wia hee schwind wajchjerant un haud sienen Rock hia lijen jeloten.

Potifar jleewd waut siene Fru am väaliejen deed un wort sea bosich opp Josef. Hee leet däm fuatz im Jefenkjnis stoppen.

Oba Gott es uk bie Josef im Jefenkjnis un doawäajens es de Jeschicht met Josef uk noch lanj nich toenj.

Gott haft noch väl met Josef fäa, uk wan maun daut nu noch nich seenen kaun. Im näachsten Spell toom horchen jeit dise woare Jeschicht von Josef wieda.


Persoonen: Eena waut vetalen deit

Copyright: CEF Germany

www.WoL-Children.net

Page last modified on April 28, 2020, at 03:22 PM | powered by PmWiki (pmwiki-2.2.140)