STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 055 (Innocent in jail 3)

Previous Piece -- Next Piece

DRAMAS -- perform them for other children!
Plays for children to perform

55. Mana juchayoj carcelpi 3


Uumm… chay jina kallpawampuni punkuta p’akej jinapuni wisq’aykunku. Guardiaqa sumajta wisq’aykuspa jatun candadowan ch’ataykun. Joséqa cárcel ujkhupi wisq’asqa qhepakun mana juchayoj. Maychus kajta ruwasqanmanta t’inkachishankumampis jina wisq’aykunku, ¿imaynataj chayrí, entendenkichu?

José reflexionaba...

(música de fondo)

Chay jinata t’ukuriynimpi mana allinta ruwaj wawqenkunamanta yuyarikun. Chaypajwan unay watakunaña kasqa wata runata jina ranqhasqankoqa Egipto suyupi. Mayta chernikorwqanku imaraykuchus Tata Dios mosqoynejta nisqa, uj jatun atiyniyoj kamachejman chayananta. Faraonpa ujnin kaj kamachin rantikusqa wata ruwanata jina paypaj tukuy imapi llank’apunampaj.

Joséqa ima ruwanallatapis tukuy sonqopuni ruwaj, Potifarqa manchayta t’ukusopa qhawasqa Josepa tukuy ima ruwasqanta chanta imaynachus kasqantapis, imaraykuchus payqa mana jayk’ajpis ajina tukuy sonqo llank’aj kamachita tarisqachu. Tukuy ima ruwasqampis allimpuni llojsisqa, nimapis mana allinqa kasqachu makimpeqa. ¿Yachayta munankichejchu imaraykuchus ajina kasqanta? Diostata paywan kasharqa tukuy imapi yanapaspa.

Potifarqa tukuy imakuchus wasimpi kajta chanta jallp’ampi llank’ana imakunatapis tukuy tukuytapuni Josepa makinman saqerqa. Joséqa mana desconfianachu karqa, imaynachus kayniqa rikhuchisharqa k’acha runa kasqanta. Chayraykutaj Potifarpa warmenqa Joseta munapayayta qallarisqa, payqa munarisqa qosan kananta. ¿Chayqa cheqachu kanman? Diospa kamachimpi nin: "¡Ama adulterioman yaykunkichu!", nispa. Chay kamachiyqa may jina valorniyoj kunan p’unchaykuna kawsayninchejpaj imaynachus jaqay p’unchaykunapi karqa ajinallataj, chayrayku Joseta jark’arqa chay millay juchamantaqa.

Uj p’unchay chay Potifarpa warmin Joseman mayta wayllupayaspa urmachiyta munasqa. ¿Qan imatataj ruwanki, pipis mana munashajta imatapis ruwachisuyta munajtinrí? Imaynatachus José ruwasqa jinata ruwanayki tiyan: Payqa imapis kachun nispa t’iju llojserqa, juchamanta ayqerqa. Chay warmi p’achanmanta jap’iykushajtimpis, p’achanta saqerpaspa Joseqa t’ijurikaporqa, mana juchallirqachu patronimpa warminqanqa.

Chanta Potifarpa warmenqa mayta phiñarispa, uj mana allinta llullakuspa wakirichisqa. Qosan wasinman chayanampaj llullakuspa willarisqa, Joseqa wasinman yaykusqanta paymanta ayqochakunampaj. Pay jatunmanta qhaparisqanraykutaj ayqerisqantaña llullakuspa willarisqa qosanman chay mana allin yuyayniyoj warmiqa.

Chay jinata llullakusqantataj Potifar creespa Josepaj maytapuni phiñarikuspa, chayrayto carcelman wisq’aykucherqa.

Chaywampis Diostataqa Joséwampuni kasharqa, jinapis Josejpa kawsasqanmantaqa mana chayllapichu tukukun, askharaj yachana kashan. Diostaqa asha imakunataraj Paypaj wakichisqa, mana Josejpa yuyasqan imakunata.

Qhepankutipi astawan kaymanta yachallasumpuni imaynachus Joséjpa kawsaynin kasqanmantaqa.


Personajes: Relator

© Copyright: CEF Germany

www.WoL-Children.net

Page last modified on April 20, 2021, at 02:08 PM | powered by PmWiki (pmwiki-2.2.140)