STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 091 (Who is the thief 3)

Previous Piece -- Next Piece

DRAMAS -- perform them for other children!
Plays for children to perform

91. Pitaj suwa 3


Ringuwan Batuwan imata jina qhawasqanku misionero Jeepinmanta cableta aysamojtaqa, chanta uj perqa kinrayman yuraj telawan sumajta amarikojta. Chay tukuyta misinero ruwasqanqa ni jayk’aj rikusqanku chaykuna kasqa, uj campopi juch’uy llajtita India suyupeqa. Mana jayk’ajpis películata qhawasqankuchu.

Sahib Grub: "Tata Dios munakusunkichej, uj k’ata Churinta kay jallp’aman kachamorqa, sutintaj Jesús. Jesúsqa Dios kashaspapis runaman tukuspa jamorqa, ni ima juchayoj karqa, ni mana allin kaypis Paypi karqachu. Diostataqa juchata chejnikun, wañuywantaj jasut’in, Jesústari chay jasut’ita noqanchejrayku aparqa wañuspa k’aspi cruzpi. Chaywampi Diostataqa wañuymanta kawsarichimorqa, sichus creenkichej chay Jesúspi chayqa, salvasqa kankichej janaj pachamantaj chayankichej."

Película tukukojtinqa, Pandu sutiyojqa juch’uy armonionta tokarisqa. Mayqellampis munajtaj parlariyta atisqanku misioneri Sahib Grup-wan.

Ringu: "Sahib, ¿mayk’ajkamataj kaypi noqaykuwan qhepakunkiri? Astawan yachayta munani chay Diosniykimanta."

Sahib Grub: "Q’aya jaqay wasa puebletumanñataj risqayku. Jinapis yuyani tinkunanchejtaraj."

Ringuwan Batuwanqa wasinkuman ripunankuña kasqa, jinapis mana saqena jina kasqa chay takiykunata uyariyqa… ¿Pitaj qhawashanmanchu karqa chaypi kajta? Manasina pipis qhawashanmanchu karqa. Uj ratonmantaj tukuy imata oqharejtinku mayman mana pakaykukuyta atispa uj thata wasi laqayaman pakaykukusqanku.

Chay tuta mana wasinkuman ripuspa kikimpi qhepakusqanku, aswan tutanejtataj manchiywan kharkatiyta qallarisqanku, killa k’anchajpis yaykupusqaña, pastus ukhusman sat’ikusqanku manchiymantaqa.

Ringu: "Batu, jaqaypi imacha kuyushan, uj tigresina, ari tigrepuni karqa. Ñawisnin llijurimojta rikunipuni."

Batu: "¿Manachu mosqokushallanki?"

Ringu: "Imaynata ari, mana puñushanichu, sut’isitutapuni rikuni."

Q’ayantin paqarintaj tukuy parlayta qallarisqanku, chay tuta tigre purisqanmantaqa.

Hombre: "Uj tigrepuni kasqa, chay runa mikhu tigre."

Mujer: "¿Ima? ¿Mayk’aj? ¿Maypi kasqari?"

Hombre: "Jaqay wasa ranchupi uj runata atacas tigrepuni a."

Ringu: "Ari, noqaykupis rikurqaykupuni tigretaqa."

¡Parlaqa manchay kasqa! tukuy chayllamanta parlasqanku, chanta uj kuraj tataña k’ita uywakunata jap’ej ujta ninankama.

Cazador: "Allin kanman uj wakata wañuchinanchej, chay aychatataj mayu kantuman churamusunchej. Chanta sach’a patamanta qhawamusun escopetaswan, yawarta riparamuspa jamunqapuni a, aychata mikhoj jamojtinkamataj kikimpi baleaspa wañuchisunchej."

Hombre: "Ringu, ¿noqaykuwan rinkichu? Yanapanawaykuta munasqayku."

Ringuqa chayta nejtinku manchayta kusikusqa kuraj runakunawan khuska rinanmantaqa. Chaywampis manchachikushasqarajpuni, manchikunapaj kasqa chay pueblopi tigreta jap’inaqa. Chaymanta kharkasqa chiri chiriswan oqharirichikusqa, imata jinataj suyashasqa…

Qhepallampiña tigre wañuchiyman chayachisqayku chaychu.


Personajes: Relator, Ringu, Batu, Sahib Grub, cazador, mujer, hombre

© Copyright: CEF Germany

www.WoL-Children.net

Page last modified on April 21, 2021, at 09:09 AM | powered by PmWiki (pmwiki-2.2.140)