STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 091 (Who is the thief 3)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

91. Wäa es de Deef 3


Ringu un Battu kjijden nieschierich to, woo dee witta Maun däm Kabel von eenem Kausten aum Jeep faust moaken deed.

Dan wort eene Waunt oppjebut. Aules wia gaunz nie fa de Menschen in däm kjlienen indischen Darp. See hauden noch niemols eenen Film jeseenen.

Sahib Grubb: "Gott es junt goot. Hee haft sienen Sän opp dise Ieed jeschekjt. Hee heet Jesus. Hee wort een Mensch, soo aus wie, oba one Schult. Gott deit de Sind haussen un bestroft dee met däm Doot. Dise Stroft haft Jesus friewellich opp sich jenomen un es fa ons aun eenem Kjriez jestorwen. Oba Gott haft am wada läwendich jemoakt. Jleeft aun Jesus. Dan woa jie jerat, un komen in däm Himmel."

De Film jeit toenj. Pandu späld opp eenem kjlienen Harmonium een Leet. Un wäa wull, kun sich noch met Sahieb Grubb vetalen.

Ringu: "Sahib, woo lanj blifst du bie ons? Ekj mucht noch väl von dienem Gott hieren."

Sahib Grubb: "Morjen foa wie no daut näachste Darp. Wie seenen ons bestemt wada."

Ringu un Battu mussten nohus. Oba daut Harmonium biem Jeep... worden see beoabacht? Gaunz fex hoowen see däm Kausten opp, un veschwunjen met däm Instrument im diestren. Toom daut vestoppen brochten see daut in eenem oolen Staul.

Un dan kaum eene schwoare Nacht. Nich bloos wäajens daut schlajchte Jewessen, oba wiels see de Flekja bewoaken mussten wäajens de Hyänen.

De Mond dacht sea schmok.

Ringu: "Battu, doa bewäajcht sich waut. Een Tiga. Daut wia bestemt een Tiga. Ekj hab siene dache Uagen jeseenen."

Battu: "Hast du daut jedreemt?"

Ringu: "Nä! Ekj hab am jenau jeseenen."

Zemorjens jinj eene schrakjliche Norecht derch daut Darp.

Maun: "Daut wia een Tiga. Een Tiga waut Menschen fräten deit."

Fru: "Waut? Wan? Woo?"

Maun: "Im Nobadarp wort en dise Nacht een Maun von eenem Tiga aunjejräpen."

Ringu: "Wie haben dän Tiga uk jeseenen."

Daut wia aula sea oppräajend. Bat een oola Jäaja eene goode Idee haud.

Jäaja: "Aum basten wie schlachten eenen Oss un lajen däm vendoag de Nacht aun de Wotastäd. Wie doonen opp eenem Boom klautren on pausen doa opp met onse Jewäaren. Derch daut Bloot woat de Tiga un janka kjrieen. Un wan hee kjemt om däm Oss to fräten, dan scheet wie am doot."

Maun: "Ringu, kjemst du met? Wie brucken die."

Hee wia stolt, daut maun am utjesocht haud toom opp de Jacht gonen. Oba hee haud doch noch Angst. Eene Tiegajacht es sea jefäarlich. Furchtboa wudd daut senen, wan...

Daut näachste Spell toom horchen nemt die met to de Tigajacht.


Persoonen: Eena waut vetalen deit, Ringu, Battu, Sahib Grubb, Jäaja, Fru, Maun

Copyright: CEF Germany

www.WoL-Children.net

Page last modified on April 29, 2020, at 10:00 AM | powered by PmWiki (pmwiki-2.2.140)