19. چور ڪير آهي 3

جڏهن اڇي غير ملڪي هڪ دٻي مان جيپ ۾ تار لڳائي، تڏهن رِنگو ۽ بٽو وڏي شوق سان ڏسي رهيا هئا۔

پوءِ هڪ اڇي ديوار لڳائي وئي۔ ڀارت جي ان ننڍڙي ڳوٺ ۾ ماڻهن لاءِ هر شيءِ نئين هئي۔ انهن ڪڏهن بہ فلم نہ ڏٺي هئي۔

صاحب گروپ: ”خدا توهان سڀ کان پيار ڪري ٿو۔ هن هِن دنيا ۾ پنهنجو پيارو پٽ موڪليو۔ ان جو نالو آهي يسوع۔ هو اسان وانگر انسان بڻيو، بغير ڪنهن گناهہ جي۔ خدا گناهہ سان نفرت ڪري ٿو ۽ موت جي ذريعي سزا ڏئي ٿو۔ پر يسوع بنا ڪنهن قيمت جي اها سزا پاڻ تي ورتي ۽ اسان جي جاءِ تي پاڻ کي صليب تي قربان ڪري ڇڏيو۔ خدا کيس وري مردن مان جيئرو ڪري ڇڏيو۔ يسوع تي يقين ڪريو۔ پوءِ توهان بچي ويندا ۽ آسمان ۾ توهان کي گھر ملندو۔“

فلم ختم ٿي وئي۔ پانڊو هڪ ننڍڙي باجي تي گيت وڄايو، ۽ جيڪي صاحب گروپ سان ڳالهائڻ چاهيندا هئا، اهي اتي ئي بيٺا رهيا۔

رنگو: ”صاحب، توهان گھڻي دير تائين اسان سان گڏ رهندا؟ مان توهان جي خدا بابت وڌيڪ ٻڌڻ چاهيان ٿو۔“

صاحب گروپ: ”ڪل اسان گاڏي ۾ ٻئي ڳوٺ ۾ وينداسين۔ پر اسان هڪٻئي سان ٻيهر ضرور ملنداسين۔“

رنگو ۽ بٽو کي گھر وڃڻو هو۔ پر جيپ ۾ پيل باجو۔۔۔۔۔۔۔ ڪو انهن کي ڏسندو تہ نہ؟ بجلي وانگر جلدي سان انهن اهو دٻو کنيو ۽ ان ساز کي وٺي اونداهہ ۾ غائب ٿي ويا۔ انهن لڪڻ لاءِ هڪ پراڻو ڇپرو چونڊيو۔ انهن جي اها رات وڏي پريشاني ۾ گذري۔ رڳو انهن جي غلط حرڪت جي ڪري نہ پر انهن کي گدڙن سان فصل جي بہ حفاظت ڪرڻي هئي۔

چنڊ تمام روشن هو۔

رنگو: ”بٽو، اتي ڪجھہ چُرپُر ٿي رهي آهي۔ هڪ شينهن۔ پڪ هي شينهن ئي آهي۔ مون ان جي اکين جي چمڪ ڏٺي هئي۔“

بٽو: ”ڇا تو اهو خواب ۾ ڏٺو آهي؟“

رنگو: ”نہ مون اصل ۾ ان کي ڏٺو آهي۔“

اڳئين صبح پورو ڳوٺ ان خوفناڪ خبر جي باري ۾ ڳالهہ ڪري رهيو هو۔

مرد: ”هو شينهن هو۔ انسانن کي کائڻ وارو شينهن۔“

عورت: ”ڇا؟ ڪڏهن؟ ڪٿي؟“

مرد: ”پاسي واري ڳوٺ ۾ هڪ ماڻهو تي شينهن حملو ڪيو هو۔“

رنگو: ”اسان بہ شينهن ڏٺو هو۔“

تمام گھڻو شور مچيو! تڏهن هڪ پراڻي شڪاري پنهنجو سٺو مشورو ڏنو۔

شڪاري: ”سڀ کان سٺو طريقو هي آهي تہ هڪ ڍڳي کي ذبح ڪيو وڃي ۽ ان جي لاش کي اڄ رات تلاءُ جي ويجھو رکيو وڃي۔ اسان وڏن وڻن تي پنهنجا هٿيار کڻي ويهي رهنداسين ۽ ڏسنداسين۔ ڍڳي جي رت جي خوشبوءَ سان شينهن ايندو۔ ۽ جڏهن اهو ايندو ۽ ڍڳي کي کائڻ شروع ڪندو، اسان ان کي گولي هڻي ڇڏنداسين۔“

مرد: ”رنگو، ڇا تون گڏ هلندين؟ اسان کي تنهنجي ضرورت آهي۔“

هو وڏو فخر محسوس ڪري رهيو هو تہ ان کي چونڊيو ويو آهي تہ هو انهن سان گڏ شڪار ڪري۔ پر ساڳئي وقت هو ڊنل بہ هو۔ هڪ شينهن جو شڪار ڪرڻ تمام خطرناڪ ڪم آهي۔ هي خطرناڪ ٿي سگھي ٿو جيڪڏهن۔۔۔۔۔۔۔

توهان بہ شڪار تي گڏ اچي سگھو ٿا ايندڙ ڊرامي ۾۔

ماڻهون: بيان ڪرڻ واري، صاحب گُرُوب، رِنگو، بٽو، شڪارِي، مرد، عورت

ynamreG FEC :thgirypoC ©