Home -- Macedonian -- Perform a PLAY -- 091 (Who is the thief 3)
91. Кој е крадецот 3
Рингу и Бату внимателно гледаа како белиот туѓинец го закачува кабелот од кутијата на џипот.
Потоа беше поставено бело платно. Сето тоа беше направено првпат за луѓето во малото индиско село. Никогаш порано немаа видено филм.
Сахиб Груб: „Бог ве сака сите. Го испрати Својот единствен Син во светот. Неговото име е Исус. Стана човек како што сме ние, но без грев. Бог го мрази гревот и го казнува со смрт. Но Исус ја зеде таа казна доброволно врз Себе и умре на крстот на наше место. Потоа Бог Го воскресна од мртвите. Верувајте во Исус. Тогаш ќе бидете спасени и ќе имате дом на небото“.
Филмот заврши. Панду отсвири песна на малата органа и секој кој сакаше да разговара со Сахиб Груб остана.
Рингу: „Сахиб, колку долго ќе останеш со нас? Сакам да слушнам повеќе за твојот Бог“.
Сахиб Груб: „Утре ќе одиме до следното село. Но сигурно ќе се видиме пак“.
Рингу и Бату требаше да одат дома. Но органата покрај џипот… дали ќе ги види некој? Брзо како молња, ја зедоа кутијата и исчезнаа во темнината заедно со инструментот. За скривалиште ја избраа старата колиба.
Ноќта беше многу стресна за нив. Не само поради нивната лоша совест, туку и затоа што требаше да ги чуваат нивите од хиени.
Месечината силно блескаше.
Рингу: „Бату, нешто мрда таму. Тигар. Сигурно беше тигар. Видов како му светкаат очите“.
Бату: „Го сонуваше ли?“
Рингу: „Не! Го видов навистина“.
Следното утро во селото се зборуваше за страшната вест.
Човек: „Тоа беше тигар. Тигар-човекојадец“.
Жена: „Што? Кога? Каде?“
Човек: „Во соседното село еден човек бил растргнат од тигар“.
Рингу: „И ние го видовме тигарот“.
Луѓето беа вознемирени и збркани сè додека еден стар ловец не ја кажа својата добра идеја.
Ловецот: „Најдоброто нешто што треба да се направи е да се заколе бик и вечерва да се остави неговиот труп покрај поилото. Ќе се качиме на големото дрво, наоружани, и ќе набљудуваме. Тигарот ќе биде привлечен од крвта на бикот. И кога ќе дојде и почне да го јаде бикот ќе го убиеме“.
Човек: „Рингу, ќе дојдеш ли заедно со нас? Потребен ни си“.
Рингу беше горд што беше избран да лови со нив. Но беше и исплашен. Ловењето тигар е многу опасно. Би било ужасно, ако…
Можете и вие да се придружите во ловот во следната драма.
Улоги: Раскажувач, Сахиб Груб, Рингу, Бату, ловецот, човек, жена.
© Copyright: CEF Germany