STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 039 (Stoning and crowning)

Previous Piece -- Next Piece

DRAMAS -- perform them for other children!
Plays for children to perform

39. Rumiwan ch´anqasqa kay chaymanta


Quinto grado nisqamanta pujllajkunataqa maytapuni yachaykuchisqa pujllanankupajqa, ñapis pujllashajtinkuñataj kusiywan qhawasqa campeonato juvenil nisqataqa. Sapa pujllaj imachus ruwananta sumajtapuni ruwasqanku chay pujllay tinkuypeqa.

Pujllasqankumanta medallasta jaywarina chamojtintaj, manchay kusisqas jap’irisqanku. Albertoqa t’ijupi ñawpaj puntapi llojsirisqa, chay atipasqanmantataj qori medallatapuni jap’irisqa. Sichus allinta t’ijuyta qallarispaña, chayananman ujchhikitallanña kashajtin qheparikunman karqa atipashaspañapis chay, ¿imaynataj kanman karqari? Pichus atipanaku t’ikuyman yakojqa, chayanankamapuni t’ijunan tiyan mana sayaspa atipayta munan chayqa.

Pichus Jesucristowan kawsajpajpis kikillantaj. Jesuspi creeyta qallarina may allimpuni, chaymantarí, tukuy imapi jina, tukukuykama chayanamantapuni. Jesústaj chaypi yanapawajninchej, chaytaj rikukun Estebanpa kawsaynimpi.

Askha runakuna Estebampa creeyninta chiriyachiyta munasqanku, ajinata nin Diospa nisqampeqa. Chayraykutaj mayta jap’inankusqanku paywanqa. Jinapis Estebanqa mana chay ch’ajwaman chapukusqachu, chaytaj astawan ujkunata phiñarichisqa. Tukuynejpi paymanta mana allinta parlayta qallarisqanku, tribunal de justicia nisqaman yachachinankukama.

Acusador: "Estebanqa Diospa contranta parlan, kamachiypa nisqampa contrata parlashan."

Juez: "¿Cheqachu chay qampa contrayta nisqankoqa?"

Tukuy Estebanta qhawarqanku imatachu nenqa, nispa. Estebampa uyantaj angelpa uyan jina k’acharisharqa. Mana allinta nisqankumanta kutichikunantaqa, aswampi Jesusmanta parlayta qallarin.

Esteban: "Diospa churinqa kay pachaman jamorqa, qankunataj crucificarqankichej. Chaywampis Diostata kawsarichimorqa."

Chay tribunalespa ñawpaqenkupi kashaspapis Esteban sinch’i sayasqa kasharqa Señor Jesucristopi creesqampi. Chanta janaj pachata qhawarispa nerqa:

Esteban: "Janaj pachata rikushani kicharisqata, Jesústataj Diospa pañampi sayashajta."

Chayta uyariytawantaj chay askha kashaj runakunaqa, tukuyninku maqaj t’ijuykorqanku. Atisqankuta maqaykorqanku, llajtamanta jawaman alqota jina aysarqanku chaypitaj rumiwan ch’anqaspa wañucherqanku. Chay jinapipis Estebanqa Jesuspi creesqampi sinch’i sayasqa kasharqa. Jinata rumiwan ch’anqaspa wañuchishajtinkupi, manaraj wañushaspa orakorqa:

Esteban: "Señor Jesús, cieloman qanwan khuska kanaypaj pusakuwan, perdonaytaj juchankumanta."

Estebanpajqa tukukuyman chayananqa mana facilchu karqa. Jinapis sich’i sayrqa. Chayrayku Jesús payman qorqa atipasqanmanta t’inkata. Mana qhasichu karqa mana allinta Jesusrayku ñak’arisqanqa. Mana allinta nisqasunku, chejnikususqankoqa manamin tukukuychu, aswan allin kajqa manarajmin chamushanchu, tukukuypimin kanqa.


Personajes: Relator, acusador, juez, Esteban

© Copyright: CEF Germany

www.WoL-Children.net

Page last modified on May 14, 2021, at 06:16 AM | powered by PmWiki (pmwiki-2.2.140)