Home -- Aymara -- Perform a PLAY -- 039 (Stoning and crowning)
39. Kalamp ch’ajj-jjata corona honorampi
Quinto cursojja walpin entrenapjjatayna uqhamaraqui cammpeonatotaquijja wal pustuchasipjjatayna. Sapa mayniwa campeonatonjja wal ch’amañchasipjjatayna.
Tucusjjataynawa medallanacajja churasjjänwa. Wali c’uchisitaw uñnakapjjäna. Albertojja wali tíjuripinïnwa kori medalla ch’amt’asitapata catoke.
Amuyt’am sum kalltaspäna, nayrakatancaspäna ucampisa mä jisc’ faltquipanjja sayt’jjaspäna ucatsti perdjjaspäna t’ijuñjja. Janipiniw uqhamacaspänti. Qhititejj t’ijuñ kalltejja wal t’ijuñapa, tucuyañapawa atiañ münchi ucajja.
Mayni qhititejj Jesusampi jac’chi ucataquejja uqhamaraquiwa. Kalltaña Jesusar creyïnjja waliwa, ucjjatsti, cunjamjjay sarstan uqhqmarac sayt’astan ucat pendi. Jesusajj ucan yanapistuwa. Estebanat pärlqui ucan uñjta.
Utjänwa jakenacajja iyawsañap jaytañapataqui, uqham Bibliajj sistu. Ucatwa jupampejj ch’amchicaña kalltapjjäna. Ucampisa Esteban jupajja janiw ch’ajjwañ muncänti. Ucajj juc’ampi culirayäna. Take casta c’arinaca aptapjjatayna jupa contrajja. Tribunalarcamawa apapjjatayna.
Juchañchiri: “Esteban jupajja Dios contraw pärli, cunanac pärli ley contrajja.”
Juez: “¿Chekati cuntï juchañchapctam ucajja?”
Takeniwa juparojj uñch’uquisipcäna. Jananupasti mä angelanquirjamaw khanäna. Arjjatancasinsa Jesusat parlañ kaltawayi.
Esteban: “Diosan Yokapajja aca pacharuw juti. Jumanacae ch’accatapjjtajja. Ucampisa Diosaw jacatatayawayi.”
Tribunal nayrakatansa Esteban jupajja Tatitumpiquipinïscänwa. Ucjjarusti cieloruw ultatayna ucat satayna:
Esteban: “Cielo jist’artata uñjta Jesusarusti Diosan cupïjjapana.”
Uca arunac ist’asajja jakenacajja juparu jump’untapjjäna. Nuwjapjjänwa, marcat ankaruwa katatipjjäna ucansti kalampiw ch’ajj-jjapjjäna. Ucampisa Esteban jupajja take ucanaca aguantawayi ucatsti Jesusar janiw jaytquiti. Kalamp jiwayañcamawa ch’ajj-jjapjjäna. Janïr jiwcasinjja Tatturue mayisïna:
Esteban: “Tatit Jesús, Alajj pacharu irpjjeta jumampïñataqui uqhamrac perdonam juchanacapa.”
Esteban jupataquejja tucusïwi thaqhejja wali ch’amänwa. Ucampisa jupajj wal sayt’asiwayi. Ucatwa Jesusajja honra coronwa churawäyi. Waquisiwa ch’am tucuña Jesusar creyiñ laycu. Cuna laycutejja larch’uquita, uñisita uqhamarac jän yäkata ucanacajja janiw tucusïquiti. Juc’amp sumajja kheparuw jutasqui.
Uñstirinaca: Parliri, acusador, juez, Esteban
© Copyright: CEF Germany