STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 038 (A night in jail)

Previous Piece -- Next Piece

DRAMAS -- perform them for other children!
Plays for children to perform

38. Uj tutata carcelpi


Arí, chayqa manapuni chay yachayniyoj runakunaman allinchu rijch’arqa. Uyallankupi manchay phiñasqa kasqankoqa yacharikorqa, phiña toro jina phiñarisqas ñawisninkupis phinkiraj jinapuni.

Primer fariseo: "¿Mayk’ajkamataj qhawallasumpuni nimata ruwasparí?"

Segundo fariseo: "Noqapis mana Jesusmanta parlajta saqenañachu nini. Ujkama iamtapis ruwana tiyan ch’inñanankupajqa."

Primer fariseo: "Arí, sichus jinallapuni kanqa chayqa, tukuy creenqanku Jesusta Dios kawsarichisqampeqa."

Segundo fariseo: "¿Imaraykutaj pichus umapi kajta mana jap’irpasunmanchuri?"

Chay fariseokuna Diospi creej creejman tukuspa Jesucristota crucificaykuspa, chay qhepata Jesústa qhatejkunatañataj ch’iñachiyta munasharqanku.

Guardiapi kaj soldadoqa, askha runakunaj chawpinmanta Pedrotawan Juanwanqa jap’ispa carcerkama aparqa tukuy tutantin wisq’arayanankupaj. Q’ayantin tutamantataj, kamachejpa ñawpaqenman pusarqanku chaypi tapunankupaj.

Juez: "¿Pitaj qankunata kamachisunkichej Jesúsmanta yachachinaykichejtarí? Imaynatataj milagrosta ruwawajchej, suchu runatapis puririchispa?"

Pedroqa mana saqekorqachu k’umuykachachinankutaqa, may atiywan nerqa:

Pedro: "Qankunaqa juchachashawayku onqosqa runata yanapasqaykumanta. Chay milagroqa noqayku Jesúspi creesqaykuraykumin, pitachus qankuna crucificarqankichej, Diostataj wañusqamanta kawsaricherqa chaypi. Jesucristollamin salvaciónta runaman qoyta atin, Jesúcristo sapallan kay pachantimpi nipipis chayta ruwanmanchu."

Chay jueskuna t’ukorqanku Pedro may atiywan parlasqanmantaqa, ithiripuspataj, wisq’anallankutapuni nerqanku.

Juez: "¿Imanasuntaj chay runakunawanrí? Mana pakayta atinchejchu suchu runaj puririsqantaqa, imaraykuchus tukuy rikunku."

Juez: "Jinapis sayachinapuni tiyan tukuy runakuna chaymanta astawan yachanankutaqa. Nisuntaj amapuni ujtawampis Jesúsmanta parlanankuta."

Chanta wajmanta Pedrotawan Juantawan wachachillarqankutaj.

Juez: "Qankunaqa, manaña astawan Jesusmanta parlanaykichejchu tiyan, uyarishankichej. Aswan allinmin kamachisqata junt’anaykichejqa, manachusqa..."

Chaymantaj Pedrowan Juanwan kuticherqanku:

Pedro: "¿Cheqamanta kamchishawayku qankunata kasunaykuta, Diosta kasunaykuta? Chayqa mana atinkuchu, nipuni ch’in kaykumanchu. Jesuswan khuska kashaspa chay jina jatuchej imakunata rikusqaykutajchu wajkunaman rejsichiykupuni tiyan."

Ujtawampi chay fariseosqa nillarqankupuni manchiykuchispa jina.

Ujkunataj runata kasunaykutaqa Diostapuni kasunayku tiyan, nerqanku. Ajinatataj ruwarqanku Pedrowan Juanwanqa.


Personajes: Relator, 2 fariseos, Pedro, 2 jueces

© Copyright: CEF Germany

www.WoL-Children.net

Page last modified on April 14, 2021, at 05:24 PM | powered by PmWiki (pmwiki-2.2.140)