STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 040 (The small sailboat)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

40. Juch´uy kaj barco


Umm vacaciones, vacaciones. Jorgeqa mayta suyasqa chay p’unchaytaqa. P’unchaykama puñuyta, atisqanta pujllanampaj jinatapuni susharqa. Uj maskha p’unchayñata uj barquitota ruwarikusqa tatampa tallernimpi.

Chay ruwasqantataj pukawan, yurajwan ima pintarqosqa, chaymantaj wayra purichinampajwan sayaykurichisqa. Manchay orgulloso juch’uy barcon oqharisqa playaman kachaykukusqa chaypi barconta tuyurichinampaj. ¡Manchay kusisqa á!

Manataj cuenta qokusqachu askha yoqallas chaynejmanta qhawashasqankutaqa, jinallapi:

Niño: "Aa… ¿qanchu ruwanki kay barcotaqa? Sumajqa, saqenachej yakupi nadajta jajaj."

Manaraj Jorge nimata nishajtin, yakuman tanqaykurpasqanku. Jorge yaku kantospi pastosmanta jap’ikuspa ñak’ayta llorsirqamuspa qhawarinampaj, millp’usqa chinkasqanku barcon oqharisqa chay yoqallasqa. Waqarikuspa wasinman ripusqa Jorgetoqa, chaypitaj tatanqa:

Papá: "Ama waqaychu waway, mosoj barco rantipusqayki."

Jorge: "Gracias tatáy, noqaj ruwakusqaypuni k’achito karqa."

Uj maskha semanamantataj. Uj ranqhana wasipi Jorgeqa barconta rikorqoytawan:

Jorge: "Tatay, Tatay, jaqay juch’uy barquituyqa."

Papá: "¿Chaypunichu á?"

Jorge: "Ari, chaypuni. ¿Manachu cuenta qokunki makiywan ruwasqa kasqanta?"

T’iju yaykuytawan Jorgeqa chaypi vendejman nin:

Jorge: "Chay barcoqa mana qampatachu, noqajta, noqa ruwakorqani."

Jorgej tatantaj, tukuy imaynachus kasqanta willasqa chay vendej warmimanqa, nimata mana niyta atispataj chay warmeqa:

Vendedora: "Jina chayqa, noqa kay barcota rantini yoqallas apamowarqanku chaykunamanta. Ujta nisqaykichej: maskhawanchus rantisqampi qopusqaykichej."

Jorgeqa chay rato qolqesitunmanta pagarpasqa barco ruwakusqanmantaqa. Wasinman ripun jinataj:

Jorge: "Juch’uy k’acha barquitoy, kunanqa iskay kutirayku noqajtapuni kanki. Ñawpataqa ruwarqayki, kunantaj rantikapuyki."

Papá: "Ajinallataj Diostapajpis iskay kutirayku Paypata kanchej."

Jorge: "¿Imaynapi iskay kuti?"

Papá: "Jinapuni á, Dios ruwawajninchej, chayrayku Paypata kanchej. Mana allinta ruwasqanchejraykutaj karupi kanchej Diosmantaqa, Jesústaj wañuspa kawsayninwan pagarqa noqanchejmanta, chayrayku watejmanta Paypata kananchej kawsaynimpa precion."

Jorge: "¿Chanta imaynapitaj yachayman iskay kuti paypata kasqaytarí?"

Papá: "Jesúsmanta mañakuy tukuy mana allin kajta llimphuchaspa kawsayniykiman jamunanta. Ajinamanta Diospa wawan kanki iskay kutirayku."


Personajes: Relator, niño, Jorge, papá, vendedora

© Copyright: CEF Germany

www.WoL-Children.net

Page last modified on August 08, 2023, at 04:47 PM | powered by PmWiki (pmwiki-2.3.3)