STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 109 (Who is the thief)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

109. Wäa es de Deef


Famielje Schmett sett biem Meddachäten. Lisa un Felix sent krajt ut de School jekomen. Jiedra haft väl to vetalen. Oba de Mama es vendoag soo iernst. Oppeenmol stalt see eene sea omakilji Froag.

Mama: "Daut es doch wundalich, jistren Zemorjens haud ekj noch 20 Euro im Jeltbiedel. Vendoag wull ekj im Supper betolen, un kun oba nich, daut Jelt wia wajch. Haft daut wäa von junt jenomen? Felix? Ooda Lisa du?"

Felix: "Oba Mama, wie sent doch kjeene Deew."

Lisa: "Daut es doch gaunz secha daut wie daut Jelt nich jenomen haben."

Mama: "Daut es mie framd, un ekj froag mie werklich, woo daut Jelt jebläwen es."

Aus de Desch aufjeriemt es, gonen Felix un Lisa äare Husoppgowen moaken. Oba Lisa haft een schlajchtet Jewessen. Ar woat gaunz onmaklich. Wiels see haft daut Jelt ut däm Jeltbiedel rutjenomen.

Lisa: "Wan ekj doch bloos nich jestolen haud. Oba wuarom haft Mama mie uk kjeen Jelt fa niee Uarinj jejäft? Iejentlich hab ekj goanich jestolen. Ekj hab daut bloos jeliet. Irjendswanea jäw ekj daut wada trij."

Oba met disem Jedanken leet äa Jewessen sich nich beruijen.

Noch goanich lanj trij hauden see in de Kjinjastund von Stälen jerät. Stälen es Sind sajcht de Bibel. Sind es aus eene Mua. See deit tranen. Lisa späat daut gaunz kloa. Von don aus see daut Jelt jestolen haft, es eene Mua teschen ar in äare Mame. Un dee steit uk teschen ar un Jesus.

Lisa kaun sich nich ruträden. Un daut see biem Meddach äten jeloagen haft, moakt de Sach noch schlema. Dän gaunzen Dach kaun see sich nich rechtich freien. Uk nich äwa äare niee Uarinj, waut see unjre Midrauz vestoppt haft. Aus see Zeowens im Bad licht, mott see hielen.

Mama: "Lisa, waut es met die los?"

Lisa: "Ekj wia daut, ekj hab daut Jelt jestolen. Un nu best du mie bestemt nich mea goot."

Mama: "Daut wia nich rajcht von die. Oba daut du dän Moot hast, mie daut to sajen, daut räakjen ekj die väl aun. Ekj vezei die un de 20 Euro deist du met dienem Jelt waut du kjrichst, langsam auftolen. West du uk Jesus om Vezeiung froagen?"

Lisa: "Jo. Har Jesus, daut deit mie soo leet, daut ekj daut Jelt jestolen hab. Bitte vezei mie. Dankscheen daut du mie goot best."

Eene schwoare Laust fellt Lisa vom Hoat rauf. See kaun wada schaftich senen. Un daut scheenste es: Mama un de Har Jesus sent ar goot.


Persoonen: Eena waut vealen deit, Mama, Lisa, Felix

Copyright: CEF Germany

www.WoL-Children.net

Page last modified on August 08, 2023, at 07:56 AM | powered by PmWiki (pmwiki-2.3.3)