STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 110 (Only 8 and already King)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

110. Noch mo 8 un dan aul Kjennich


(Een Jelud) Amon siene aunjestalde Mana muaken eenen Plon, am omtobrinjen.

Sien Nomen bediet tru un tovelässich. Oba daut wia hee nich. Un aulmol nich Gott jäajenäwa.

Hee deed Bilda ut Holt un Steena veieren. Jetta veieren es fa Gott eene groote Beleidjung.

Deena: "Wie brinjen am om, hee es in siene Sto."

(Däa opprieten, Jelud, Schrieen)

Kjennich Amon wort von siene iejne Deena dootjemoakt. Un sien Sän wort dan de Nofolja.

Hast du aul von Josia jehiet? Hee wort met acht Joa Kjennich.

Aus hee Gott uk soo beleidjen wudd aus sien Voda? Ooda wudd hee Gott leewen?

Fa mie es de Äwaschreft sea interesaunt, met waut de Bibel sien Läwen beschriewen deit: Josia deed, waut Gott goot jefoll.

Es dit uk fa die waut pausendet? Dis Sautz kun uk äwa dienem Läwen stonen, wiels Jesus aules vezeit, waut Gott nich jefält. Du kaunst am doano froagen. Hee kaun die hieren.

Josia leewd Gott. Un aus hee iescht ela jeworden wia, deed hee im gaunzen Launt de Jetta tweimoaken. Aules, met waut maun Gott beleidicht haud, wort venicht.

Sull bie die nich uk entlich mol utjeriemt woaren? Dee schlajchte Videos un Hefta? Sachen waut unjrem Bad ooda in daut Biekjaschaup sent, waut Gott beleidjen doonen?

Josia muak Ordnunj. Hee deed daut friewelich, wiels hee Gott leewen deed.

Josia: "Kjijt junt däm Tempel aun. Gott sien Hus sitt aus eene vebroakne Bood ut. Daut es fa Gott eene beleidjung. Kjeept Materiol toom buen un got aun de Oabeit."

(Jelud aus wan waut jebut woat)

Priesta: "Kjijt mol, waut ekj jefunjen hab. In dee hinjaschte Akj lach dise Schreftrol. Los, welen dee nom Kjennich Josia brinjen."

Gott sien Wuat, de Bibel, lach in eene Akj. Kjeen Wunda, daut Gott nich mea dän ieschten Plauz im Läwen haud.

Priesta: "Kjennich Josia, wie haben dise Schreftroll im Mell jefunjen."

Kjennich Josia: "Doot mie daut väaläsen."

De Kjennich horcht, waut Gott met dejanje deit, dee am nich von gaunzem Hoaten goot sent.

Hee vefieed sich sea, hee sad sich opp de Ieed un hield. Am deed daut soo leet, daut sien Volkj Gott soo sea beleidijt haud.

Boolt doaropp leet Gott am sajen:

Gott: "Ekj woa dise Staut bestrofen. Oba wiels du mie goot best, woa ekj die veschoonen."

Bie eenem Gottesdeenst deed Josia Kjinja un Erwosne Moot moaken, Gott to leewen in am dän ieschten Plauz in äarem Läwen jäwen.

Wurscht du dise Enlodung aunjenomen haben?


Persoonen: Eena waut vetalen deit, Deena, Josia, Priesta, Gott siene Stem

Copyright: CEF Germany

www.WoL-Children.net

Page last modified on April 29, 2020, at 04:19 PM | powered by PmWiki (pmwiki-2.2.140)