Home -- Aymara -- Perform a PLAY -- 110 (Only 8 and already King)
110. Quimsakallk maranimpiw rey tucuwayejj
(Ullukeri) Sayt’asipjjew rey Amón contra.
Amón sutijja sañ munänwa “Phokhiri, confiyanjama”. Ucampisa Amón jupajja janiw uqhamäcänti. Dios nayrakatans juc’aquí. Maderat luratanacaruw uqhamarac kalanacat luratanacaru. Idolonacar yupaychañajja Diosa contra jach’a kallasiñawa.
Siervo: “Jiwayañani. Cuartopancasquiw.”
(puncuw kal jist’arti, ojjokeña, jach’at art’aña)
Reyin sirvirinacapawa reyirojj jiwayapjjäna. Wawapaw jupa lantïnjja.
¿Uñt’tati Josiasarojj? Quimsakallk maranimpiw rey tucuwayejj. Tatapjamati Diosarojj ofendpachani janis Diosarojj munpachänicha? Historiapä uca chekan ucht’atajja sumapiniwa: Josiasajj cunatï Diosajj muncänjja uc luräna.
¿Uqhamt jumat sapjjaspa? Juman jacañamatjja uqham sapjjaraquispawa, cuna laycutejja Jesusajj perdonstamjjay cunatï jan waliqui uqhamarac cunatï Diosajj jan münqui ucanacjja. Perdonap mayismawa. Jupajj isttamwa.
Josiasajj Diosarojj munánwa. Jach’ajjän ucjajja, marcapan idolonacä utjcänjja ucanac t’unjjataynawa. Ch’amanchasïnwa cunatí Diosar usuycánjja ucanac t’unjañataqui.
¿Janit uqham walïcaspa jacañam kkomachañataqui? ¿Cunjamäquis k’añu videonaca, revistanaca inas phirunacächi? ¿Iquiñ mankhamamquiti inas cawqhan imantatäsquisa?
Josiasajj take cun komachäna. Chhuymapatwa luratayna, cunalaycutejj Diosaruw munäna.
Josías: “Diosan Templop uñjapjjam. K’alawa. Diosarojj usuyïwa. Materialanac alapjjam. Trabajrantapjjam.”
(construcción luraña ist’asi)
Sacerdote: “Cuntï jicjjatjja uc uñjapjjam. Aca rolloj mä c’uchuncascataynawa. Rey Josiasaru apañani.”
Diosan arupajja, Bibliajja, c’añu c’uchuncascataynawa. Ucatpï Diosajj janiw nayrïr chekancataynati jacañanacapanjja.
Sacerdote: “Rey Josías, aca rolloj lak’a manqhancascataynawa.”
Rey: “Leyt’arapita cunas kellkata.”
“Janiw lunthatasïtati, janiw jiwayätati, awquimar taycamar honrätawa…”
Reyejj cuntï Diosajj lurcani jan take chuyma munirinacarojja uc ist’ataynawa. Sustjataw oraker kontasitayna ucat jachataynawa. Wali llaquitataynawa cunalaycutejj marcapajja Diosarojj usuyapjjataynawa.
Mä juc’ampjarujja Diosajj sayataynawa:
Dios: “Aca ciudadarojj mutuyäwa. Ucampis nayar munatamatjja, mutuñajj janiw wact’catamti.”
Josiasajj mä culto Diosatac waquichatayna. Wawanacaru, jach’a jakenacaru Diosar munapjjañapataqui mayitayna uqhamarac Diosarojj nayrakatar jacawinacapan uscupjjañapataqui.
¿Jumajj uca mayitarojj jaysasmänti?
Uñtirinaca: Parliri, siervo, Josías, sacerdote, Dios
© Copyright: CEF Germany