Home -- Quechua -- Perform a PLAY -- 110 (Only 8 and already King)
110. Pusaj watanpi rey tukun
(Tumulto) Mancha ch’ajwa rey Amónpa contrampeqa.
Amón sutiqa niyta munan, cheqa atienikunapajtaj (fiel y confiable). Chaywampis Amónqa mana jinachu kasqa. Aswanra Diospa ñawpaqempeqa, k’ullumanta ruwasqa lantista yupaychaj, rumimanta ruwasqakunata ima. Lantikunata yupaychayqa Disotatapaj mana chhikampis allinchu, wasanchay chaykuanta ruwayqa.
Siervo: "Wañuchisunchu, puñunan wasi ukhupi kashan."
(se abre bruscamente una puerta, tumulto, gritos)
Reyta yanapàjninkunallataj wañorpachisqanku reytaqa. Wawantaj cuentamanta kamachej yaykusqa.
¿Rejsinkichu Josíastaqa? Pusaj watitallayojraj kashaspa reyña kasqa. ¿Tatan jinachu paypi wasanchaspa Diosta phiñachillanmanta karqa? Imaynachus Diospa nisqampi qhelqasqa kasqanqa mayta t’ukuchikun: Josíasqa tukuy imata Diosman agradajta ruwasqa.
¿Qanmanta jinata ninkumanchu? Kawsayniykipipis chayqa kallanmantaj, imaraykuchus tukuy mana allin kajmanta perdonasunkipuni, imachus mana Payman rijch’ajmantapis, chaypajqa perdonllata mañakunayki tiyan, Diostaj uyarisunqapuni.
Josíasqa mayta munakusqa Diostaqa, jatunyaytawantaj, tukuy lantikunata phirisqata phirisqa llajtampeqa. Mayta kallpakuspa tukuy mana allin kaj Diosman mana allin rijch’ajta chinkachinampajqa.
¿Manachu ajina llimphuchana kashan kawsayniykipeqa? Camayki urapichu chayri may k’uchupichu pakasqa kashan, imakunachus tatayki mamayki mana apaykachanaykita munankuchu chaykuna, videoschu, ¿imakuna kashanrí?
Josíasqa tukuy imata maychus kananman churasqa, chanta payllamantataj chay tukuyta ruwasqa, Diostata munakusqanrayku.
Josías: "Qhawaychej Diospa templonta, thanta laqaya jinallaña. Kayqa Diospa sonqota nanachin, rantiychej tukuy materialesta watejmanta allinch’anapaj, qallariychejpachataj ruwayta."
(ruido de construcción)
Sacerdote: "Qhawayche imatacha tarirpani, uj k’uchupi kay rollo kashasqa, reyman apanachej má."
Diospa qhelqachisqa, Biblia, uj ch’ijlli k’uchupi kashasqa. Manañapuni Diosta jatumpajchu qhawasqanku chaypi yachakusqa, ni chhikan respeto kasqanñachu.
Sacerdote: "Rey Josías, kay rollota tariyku uj q’opa k’uchupi choqasqata."
Rey: "Waj, ñawiriychej má imachus kasqanta yachanapaj."
"Ama suwankichu, ama wañuchinkichu, tataykita mamaykita jatumpaj qhaway…"
Reyqa sumajta uyarisqa imatachus Dios ruwananta chay mana manchikuyniyoj runakunawanqa. Mayta sonqonta nanachikuspa tiyaykuytawa waqarikusqa reyqa, imaraykuchus llajtallantaj Diosta wasanchasqanmanta.
Chaymanta mana unayninmanchu Tata Dios kay jinata nichisqa:
Dios: "Kay llajtata jasut’isaj, jinapis qan munakuwasqaykiraykutaj, mana chay jasut’i chayasunqachu."
Josíasqa uj cultuto Tata Diospaj wakichisqa, juch’uyta jatunta wajyarisqa Diostata kawsayninkupi jap’ikunankupaj.
¿Qan chayman wajyarejtinku riwajchu karqa?
Personajes: Relator, siervo, Josías, sacerdote, Dios
© Copyright: CEF Germany