STORIES for CHILDREN by Sister Farida

(www.wol-children.net)

Search in "Armenian":

Home -- Armenian -- Perform a PLAY -- 110 (Only 8 and already King)

Previous Piece -- Next Piece

DRAMAS -- perform them for other children!
Plays for children to perform

110. Ընդհամենը 8 տարեկան, բայց արդեն թագավոր


(Կռվի ձայն)։ Դավադրություն Ամոն թագավորի դեմ։

Նրա անունը նշանակում էր հավատարիմ և վստահելի, սակայն նա այդպիսին չէր, հատկապես Աստծո հետ հաղորդակցության մեջ։ Նա պաշտում էր կուռքերին, որոնք փայտից և քարից էին պատրաստված։ Կռապաշտությունը մեծ անարգանք է Աստծուն։

Սպասավոր. - Մենք պատրաստվում ենք սպանելու նրան. նա իր սենյակում է։

(Դռան բացվելու, աղաղակի և լացի ձայն)։

Ամոն թագավորը սպանվեց իր իսկ սպասավորի կողմից, և նրա որդին դարձավ նոր թագավորը։

Երբևէ լսե՞լ ես Հովսիայի մասին։ Նա ութ տարեկան էր, երբ դարձավ թագավոր։

Արդյոք նա իր հոր պես կանարգե՞ր Աստծուն, թե՞ սիրում էր Աստծուն։

Աստվածաշունչը հրաշալի կերպով է նկարագրում նրա կյանքը․ Հովսիան անում էր այն, ինչ հաճելի էր Աստծուն։

Կարո՞ղ են այս խոսքերով քեզ նույնպես նկարագրել։ Սա կարող է քո կյանքի նշանաբանը լինել, քանի որ Հիսուսը ներում է մեր այն արարքները, որոնք Աստծուն հաճելի չեն։ Դու կարող ես խնդրել Նրան ներել քեզ, Նա կլսի քեզ։

Հովսիան սիրում էր Աստծուն և երբ մեծացավ, ամբողջ երկրի կուռքերը ոչնչացրեց։ Ամեն բան, որն անպատվում էր Աստծուն, ոչնչացված էր։

Արդոք դու կարիք ունե՞ս քո կյանքից հանելու որոշ բաներ, որոնք հաճելի չեն Աստծուն՝ անպարկեշտ տեսանյութեր կամ ամսագրեր, որոնք գուցե քո մահճակալի տակ են կամ պահարանիդ մեջ։

Հովսիան ամեն բան կանոնակարգեց։ Նա այդ ամենը պատրաստակամորեն արեց, քանի որ սիրում էր Աստծուն։

Հովսիա. - Պարզապես նայե՛ք տաճարին. Աստծո տունը աղբանոցի է նման։ Սա անարգանք է Աստծուն։ Գնե՛ք շինարարական պարագաներ և անցե՛ք աշխատանքի։

(Շինարարության ձայն)։

Քահանայապետ. - Տեսեք՝ ինչ մագաղաթներ եմ գտել այն անկյունից։ Եկե՛ք, պետք է սա տանենք Հովսիա թագավորի մոտ։

Աստծո Խոսքը դրված էր անկյունում։ Պարզից էլ պարզ է, որ Աստված նրանց կյանքում առաջնային չէր։

Քահանայապետ. - Հովսի՛ա թագավոր, մենք այս մագաղաթները փլատակներում գտանք։

Հովսիա թագավոր. - Բարձրաձայն կարդացե՛ք։

Թագավորը լսեց, թե Աստված ինչ է արել այն մարդկանց, ովքեր չէին սիրել Նրան իրենց ամբողջ սրտով։

Նա ցնցված նստեց գետնին և սկսեց լացել։ Նա զղջում էր, որ իր ժողովուրդն այդքան անարգել էր Աստծուն։

Այս դեպքից շատ չանցած Աստված նրան ասաց։

Աստված. - Ես պատժելո՛ւ եմ այս քաղաքը, բայց քանի որ դու սիրում ես ինձ, կխնայե՛մ քեզ։

Հովսիա թագավորը երեխաներին և մեծերին պաշտամունքի հրավիրեց և ասաց նրանց, որ սիրեն Աստծուն և Նրան դարձնեն առաջնային։

Իսկ դու կընդունեի՞ր այս հրավերը։


Հերոսներ՝ հեղինակ, սպասավոր, Հովսիա, քահանայապետ, Աստծո ձայն։

© Copyright: CEF Germany

www.WoL-Children.net

Page last modified on March 10, 2020, at 04:25 PM | powered by PmWiki (pmwiki-2.2.109)