STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 074 (Beating the innocent 2)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua? -- Romanian -- Russian -- Serbian -- Slovene -- Spanish-AM -- Spanish-ES -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

74. Schläa fa däm Onschuldjen 2


Dee niea Liera wia gaunz aundasch. Sogoa Jim, dee sich ema soo groot deed wisst nich waut hee sajen sull äwa dise niee Oat, dee hee enfieren deed. De Liera deed bäden, un dan kaum dee tweeda Schrakj.

Liera: "Wan wie goot metenaunda wellen utkomen, dan bruk wie eene Schoolordnung. Ekj mucht, daut jie dee oppstalen."

Jim kjrieech meist nich Loft. Soowaut haud det noch niemols jejäft.

Schoolmäadche: "Nich aufschriewen."

Liera: "Daut es goot. Oba eene Ordnung haft bloos dan eenen Wieet, wan daut eene Stroft jeft wan maun sich veschuljen deit."

Jim: "Dree Schläaj fa däm, dee aufschriewen deit."

O wee. Donemol gauf daut noch Schläaj met däm Stok.

De Liera schreef dise Räajel opp un dan uk noch aundre aun de Tofel. Poa Wäakj jinj uk aules sea goot. Oba eenen Zemorjnes kaum de Liera trurich in de Klaus nen.

Liera: "Lot june Biekja to, ekj hab eene schlajchte Norecht. Irjendwäa haft de Schoolordnung nich respakjt un haft Jim sien Pausebroot jestolen. Well sich de Schuldja malden?"

Aula hilden schia de Loft aun. Dee kjliena Tom in dee ieschte Riej stotat:

Tom: "Ekj... ekj wia daut. Ekj haud... ekj haud soo eenen grooten Hunja, un dan hab ekj daut jenomen. Mie deit daut leet."

Tom haud oame Elren un ieremol nuscht to äten. Kjeena wull daut haben daut Tom bestroft sull woaren. Oba de Liera musst nu strenj no de Räajlen gonen.

Liera: "Jie haben de Räajlen oppjestallt, wan maun sich doajäajen veschulcht, mot daut bestroft woaren, sest helt sich kjeena mea doaraun. Tom kom no väare. Tien Schläaj es de Stroft fa Deew."

De Liera naum dän Stock.

Jim: "Ho, daut wia ji mien Broot, ekj vezei am daut."

Liera: "Jim, daut es leeftolich von die, oba de Stroft mot doch senen."

Jim: "Dan do mie schlonen, oba doo däm Tom nuscht aun."

Liera: "Goot. Daut jeit. De Schoolornung sajcht Tieen Schläaj, oba see sajcht nich, wäa dee kjrieen mott."

Un dan erläwden de Schiela met, woo een Oschuldja de Schläaj von eenem Deef kjrieech. Fa Jim un Tom wia dit de Aunfank von eene Frindchoft.

Un nu interresied de Kjina daut sea, aus de Liera von Jesus vetald, dee ver väl Joaren, de Stroft fa aule Menschen opp sich jenomen haud.

Liera: "Stelle Friedach deit ons denkjen halpen, daut Jesus onschuldich wia un fa ons de Stroft droagen deed. Wie haben aula Gott siene Jebote nich gaunz befoljt un doafäa haft Jesus sich friewellich bestrofen jeloten. Hee haft aum Kjriez de Doodesstroft opp sich jenomen. Wäa aun am jleeft es frie un haft eewjet Läwen. Ostren deit ons daut gaunz secha moaken. Wiels Jesus es oppjestonen un läft."


Persoonen: Eena waut vetalen deit, Liera, Jim, Tom, Schoolmäadche

Copyright: CEF Germany

www.WoL-Children.net

Page last modified on April 29, 2020, at 08:26 AM | powered by PmWiki (pmwiki-2.2.109)