STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 144 (Totally in love 5)

Previous Piece -- Next Piece

DRAMAS -- perform them for other children!
Plays for children to perform

144. Munanasqa 5


Hudson Taylorqa manchay llakisqa kashasqa punkuta wisq’aykojtinkoqa. Tsung Ming churipi (isla) kawsaqesninta saqena kasqa, imaraykuchus wakin sajra sonqoyojkuna mana allinta Mandarinman parlaspa chayta ruwachisqanku. Manataj entendeyta atisqachu imaraykuchus chay kasqantaqa.

Jinapis Diosqa mana saqerpasqachu, Payqa mana allin kajta, allinman tukuchiyta atin. Manaraj unayman Ningpo llajtitaman chayaspa chaypi tukuyman Jesúcristo salvador kasqanmanta willasqa, Dios tukuy ima kajta allinmampuni tukuchisqa.

Jinapis aswan allin kajqa manaraj kashasqachu, chayqa sumajpuni kasqa á, tiyakushasqa chaynejsitupipuni uj escuela misionerokunajta kasqa, chaypeqa uj sipasita inglesa yachachej kasqa. Hudsonqa chay k’acha kusisqa sipasitamantachá enamoraykukusqa, sipasitapis Hudsonmanta. Payqa Maríawan casarakuyta munasqa, jinapis ñawpajta uj imataraj sut’inchanan kasqa.

Hudson Taylor: "María, ujta sut’inchayta munayki: mana qhapajchu kani noqaqa. Imatapis necesitaspa, Jesúsllamanta mañakuni Paypitaj atienekuni khuyarinawampaj. Mana qolqey kanchu, chayrayku tapuriyta munayki: ¿warmiy kayta munawajchu?"

María: "Ari, khuska Diospi confiasunchej, mana askhatachu necesitanchej. Aswan allinqa, Jesús noqanchejwan kashan."

Askha kawsaqesnin risqanku casamientomanqa. Diostataqa allin kajtapuni qon Payta munakojkunamanqa, imatachus nisqantaqa junt’ampuni. Hudsonwan Maríawanqa, tukuy kawsayninkuta jaywasqanku Pay munayninta ruwanampaj. Hudsonqa onqosqasta atiendesqa chanta predicasqa ima. Maríataj wawakunapaj tantakuykunata wakichispa chaypi Señor Jesúsmanta yachachisqa, chanta askha wajcha wawakunaman mikhunata ima apaj kasqa.

Hudsonwan Maríawanqa ruwanallayojpuni kasqanku, aswan kusisqas kasqanku maypachachus chinos Jesúspi creeyta qallarejtinku. Sapa ch’isi campanata waqachej kasqanku iglesiaman tantakunankupaj.

Ni: "Uj runa lantinnita yupaychajtaj, uyarisqa imayna kusiywanchus takisqankuta, chanta qayllaykurisqa. Chaypitaj primera vez uyarisqa, Jesúcristolla ñan kasqanta Diostataman chayanapajqa. Señor Taylor, kay chhika unayta mask’arqani cheqa kajta, Jesús cheqa kasqaqa, creeni Jesuspi. ¿Mayk’ajmantapachataj rejsinkichej chay cheqa kayta Inglaterrapirí?"

Hudson Taylor: "Unay unay wawakunamantaña."

Ni: "¿Já? ¡Chay chhika unay! ¿Chanta imaraykutaj mana usqayta jamorqankichejchu willanawaykupajrí?"

Chay tapusqanqa uj kuchillu jina Hudsonpa sonqonman yaykusqa. T’ukurisqa may chhika chinosraj mana cheqa kajta rejsishasqankupi, chaymantapacha astawanraj llank’asqa, onqoykunankmapuni. Inglaterra suyuman kutinallan kasqa thañikunampajqa, ¿Diostajrí chay onqoymanta allinman tukuchiyta atinmanchu karqa?

Qhepan tinkuynillanchejpiña yachanki. ¡Ama qhepakunkichu!


Personajes: Relator, Hudson Taylor, María, Ni

© Copyright: CEF Germany

www.WoL-Children.net

Page last modified on April 28, 2021, at 07:22 AM | powered by PmWiki (pmwiki-2.2.140)