STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 144 (Totally in love 5)

Previous Piece -- Next Piece

DRAMAS -- perform them for other children!
Plays for children to perform

144. Uca c’uchi 5


Hudson Taylorajj punc jist’catasinjj wal llaquisitayna. Amigonacaparojj isla Tsung Ming ucaruw jaytjañapäna, mä khawkhaninacajj envidiatjja Mandarín nayrakatan p’enkachanipjjatayna. Janiw amuyañjamacänti.

Ucampis Diosajj janiw jaytjcänti. Jupajj jan waljja asqiruwa quipstayaspa. Mä juc’jarojja Ningpo ucaruw sarjjatayna puente callen jacäna. Wali cusisiñampiw Khespiyiri Jesusat chinonacarojj parläna.

Diosajj take cunwa trocatayna asquitaqui. Ucampisa juc’amp sumajj jichhaw jutascäna. Inas ucajj maynichïna. Utapa ladonjja mä escuela misioneraw utjäna, ucanjja mä inglesa señoritaw yatichäna. Hudsonasti uca c’uchi uqhamarac jiwaqui señoritaruw munjjäna. Hudsonsasti Mariampiw casarasiñ munäna, ucampisa may arsuñapäna.

Hudson Taylor: “María, mayaw yatiñama: Janiw kamir jakëcti. Cunapachatejj cuns muntjja, Jesusaruw mayta ucatsti Jupajj churchitanïy ucac suyta. Janiw kollkenïcti, ucat sirisma: ¿esposajjäñ munasmati?”

María: “¡Jïsa! Panpachaniw confiañäni. Janiw anch munctänti. Ucat juc’ampejj Jesusanïtanwa.”

Waljaninacaw casamientoparojj jutapjje.

Diosajj sumanacwa munirinacaparojj chüri. Cuntejj sijja phokhewa. Ucatwa Hudosnamp Mariampejja jacañanacap Diosar churapjjäna.

Hudsonajj usutanacaruw kolläna uqhamarac Diosat parläna. Mariajj wawanac tantachäna Tatit Jesusat parlañataqui. Uqhamarac walja pobrenacaruw mankayäna. Hudsonamp Mariampejj walja trabajonacanïnwa. Ucampisa wali cusisitäpjjänwa cunapachatejj chinonacajja Jesusar creeyjjapjäna ucjajja. Sapa arumanacawa campanajj tuct’äna iglesiar jawsañataqui.

Ni, idolonacar yupaychiri jakejja, wali c’uchisiñampi kocht’ir ist’asinjja jac’achasitaynawa. Jichhapiniw jacañapan Jesusajj sapa thaquïtapa Diosar puriñatac ist’atayna.

Ni: “Tata Taylor, jayapiniw chek thakhayätjja. Jesusaw Chekajja. Juparuw crëyta. ¿Cunapachats jumanacajj Inglaterranjj aca chek uñt’apjjta?”

Hudson Taylor: “Jaya patac maranacata.”

Ni: “¿¿¿Cunjama??? ¡¡¡Ucchapacha!!! ¿Cunats jan nayratpach jutapjjta yatiyirï?”

Aca jisctajja Hudsonsan chuymaparojj wal chhokhontatayna. Millon chinonac jan chek yatipc ucat amptäna, ucatwa juc’amp trabajäna – usuntañcama. Waquisïnwa Inglaterrar cutt’añapa waliptañataqui. ¿Diosajj mä usu asquitac waquichaspati?

Jutirin uc yatïta. ¡Jan chhakhasimpti!


Uñstirinaca: Parliri, Hudson Taylor, María, Ni

© Copyright: CEF Germany

www.WoL-Children.net

Page last modified on October 08, 2018, at 02:18 PM | powered by PmWiki (pmwiki-2.2.109)