STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 145 (If I had 1000 lives 6)

Previous Piece -- Next Piece

DRAMAS -- perform them for other children!
Plays for children to perform

145. Waranqa kawsayniyojchus kayman 6


Barcoqa chayaykusqa Inglaterra mama qocha kantumanqa, Hudsontaj sinch’i onqosqa jurayk’usqa, chaypi médicos jampejkunaqa may llakisqas kasqanku.

Médico: "Señor Taylor, mana Chinaman kutiyta atiwajñachu."

Hudson Taylor: "Dios kutinayta munan chayqa sayonchiwanqa."

Hudsonqa puñunan wasi ukhupi uj jatun Chinamanta mapata warkhuykusqa, sapa qhawarispataj waqarikusqa, imaraykuchus yuyarikusqa waranqa waranqa chinokuna ni jayk’aj Jesusmanta uyarisqankuta.

Maskha kutis imayna kawsasqanta willasqa:

Hudson Taylor: "Noqa barcopi rej kani Sung Kian Fu-man. Chaypitaj Pedro kashaj, Jesusmantataj parlaj kayku, chanta puñunayman ripuspataj uyarej kani qhaparikuspa yakupi qhollchuqeyajta. Pedro barcomanta yakuman urmaykusqa, yakuman phinkiykuspata mana tarejchu kani.
¡Yanapawaychej! ¡yanapawaychej! nispa challwa jap’ejkunaman qhaparikoj kani, nitaj uyariwajchu kanku:
Mana tiempuyku kanchu, challwa mask’ashayku, ¿pagawaykumanchurí? Niwajtinku, qolqeta qonayta nej kani. Jinapis unaymantaraj jamoj kanku, Pedrota orqhomojtinku, kawsarichinaypaj imaymanataj ruwaj kani, niñataj atikojchu. Pedroqa wañusqaña karqa, salvakunmanraj karqa, chay pescadores usqayta jamunkuman karqa chayqa."

¿¡May llakiy í!? Hudsonqa munasqapuni runakuna salvakunankutaqa. Astawanqa juchankumanta, payrí onqosqataj kashasqa.

Hudson Taylor: "Señor Jesús, phisqa misionerokunata Chinaman kachay arí, askhas qampi creespa salvakunankupaj."

Mañakusqanqa uyarisqapuni kasqa, chaywampis ¿imata phisqa misioneros waranqa waranqa chinokunapajrí? Hudson Taylorqa orasqa 24, chanta 100, 1000-paj ima, Diostaj uyarisqapuni mañakusqantaqa.

Uj imata yachaqani Hudson Taylormantaqa: Jesúsman imatachus necesitasqata sut’isituta qonawanta creespa mañakuyta, Jesúsqa qoyta munampuni, mañakusqata uyarispa kutichin. Hudson Taylorqa thañiyakuspa waj misionerokunawan China suyuman rillasqataj.

Mujer 1: "¡Locoyankichejchu imatajrí, kayllapi qhepakuychej!"

Mujer 2: "Kaypeqa askha qolqeta ganawajchej, Chinapirí yarqhaymanta wañunkichej, imaraykuchus kaymanta apachimojkunaqa manaraj imapi qonqapusonqachej, rikullankichejpis á."

Hudson Taylor: "¿Qonqarpawasqayku? Diosqa ni jayk’aj wawasninmanta qonqakunchu."

Jinataj Tata Diosqa ni jayk’aj qonqakorqachu paymantaqa.

Hudson Taylor: "Sichus 1000 kawsayniyoj kayman chayqa, 1000 kutista misionero kayman."

¿Misionero kayta munawajchu? Arí, manapunitaj millonario kawajchu, watinkutis mana allin kaypis kanmampuni mana atinapaj jinaqa. Chay tukuywampis: manacha waj aswan allin kanmanchu imatachus Jesús munasqanta ruwanaqa, chanta Paypitaj atienikunaqa.


Personajes: Relator, Hudson Taylor, médico, 1. mujer, 2. Mujer

© Copyright: CEF Germany

www.WoL-Children.net

Page last modified on April 28, 2021, at 07:27 AM | powered by PmWiki (pmwiki-2.2.140)