Home -- Punjabi -- Perform a PLAY -- 145 (If I had 1000 lives 6)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
541. اگر میرے کول ۰۰۰۱ زندگیاں ہوندیاں ۶
جہاز کنڈے اُتے اپڑیا۔ ہڈسن ٹیلر بہت بیماری دی حالت وچ دھرتی اُتے اُتریا۔
جنہاں ڈاکٹراں نے انگلستان وچ اوہدا علاج کیتا اوہ اوہدے بارے وچ بہت فکرمند سن۔
ڈاکٹر: ”ٹیلر صاحب، تُسی مُڑ چائنہ نہیں جا سکو گے۔“
ہڈسن ٹیلر: ”جے خدا نے مینوں شفا دینی ہووے گی تے اوہ ضرور دے گا۔“
کند اُتے چائنہ دا اک وڈا نقشہ ٹنگیا ہویا سی۔ ہڈسن نے اوہنوں ویکھیا تے رون لگ پیا، کیوں جو اوہ اوہناں لکھاں چینیاں دے بارے وچ سوچدا پیا سی جنہاں نے یسوع دے بارے اجے تیک نہیں سُنیا سی۔
اوہ اکثر ایہہ کہانی سناندا سی:
ہڈسن ٹیلر: ”میَں جہاز وچ بہہ کے سنگ کیان فو ول گیا۔ پطرس وی بیٹھا سی۔ اساں یسوع دے بارے وچ گلاں کیتیاں۔ فیر میں آپنی کوٹھڑی وچ مُڑ گیا۔ میَں اچانک کسے نوں روندیاں ویکھیا تے فیر اک زوردی واج۔ پطرس جہاز اُتوں ڈِگ پیا سی۔ میَں پانی وچ چھال مار دِتی، پر مینوںاوہ نہ لبھیا۔ ’مدد کرو! مدد کرو!‘ میَں کجھ مچھیریاں نوں واج ماری۔ پر اوہناں نے جواب نہ دِتا: ساڈے کول ویلا ہے نہیں۔ ’اسی مچھیاں پھڑدے پئے اَن۔ کیہ تُوں سانوں پیسے دیویں گا؟‘ میَں اوہناں نال وعدہ کیتا پئی میَں دیواں گا۔ اوہناں نوں آ کے مدد کرن وچ دیر ہوگئی۔ اوہناں نے پطرس نوں پانی وچوں باہر کڈھیا۔ میَں پطرس نوں مُڑ ہوش وچ لیاون دی بڑی کوشش کیتی، پر ہن بڑی دیر ہوگئی سی۔ پطرس مر گیا سی۔ اوہ بچ سکدا سی جے مچھیریاں نے ویلے اُتے مدد کیتی ہوندی۔“
کڈی بھیڑی گل اے!
ہڈسن لوکاں نوں بچاونا چاہندا سی۔ خاص طور اُتے اوہناں دے گناہواں تھوں۔ پر ہن اوہ بیمار سی۔
ہڈسن ٹیلر: ”مالک یسوع، مہربانی نال پنج مشنریاں نوں چین گھل، تاں جو بہت سارے لوک تیرے اُتے ایمان لیاون تے بچ سکن۔“
اوہدی دعا سُنی گئی۔ پر کیہ پنج مشنری لکھاں چینیاں لئی بڑے سن؟
ہڈسن ٹیلر نے ۴۲ لئی دعا کیتی، ۰۰۱ لئی، ۰۰۰۱! تے خدا اوہدی دعا دا جواب دیندا گیا۔
میَں ہڈسن ٹیلر کولوں ایہو سکھیا اے: جیہڑی وی تہاڈی لوڑ اے یسوع نوں کھل کے دسو تے اوہ تہانوں مہیا کرے گا۔ یسوع سانوں خوشی نال دیندا اے۔ اوہ ساڈیاں دعاواں سُندا اے۔
ہڈسن ٹیلر فیر توں چنگا ہو گیا تے فیر سفر کر کے نوے مشنریاں دے نال چین گیا۔
پہلی عورت: ”تُسی سارے جھلے ہو گئے ہو، ایتھے ای رہو!“
دوجی عورت: ”ایتھےتُسی بہت سارے پیسے کما سکدے او۔ چین وچ تُسی بھکےرہو گےتوانوں چھیتی سارے بھُل جان گے۔“
ہڈسن ٹیلر: ”بھُل جانا؟ خدا کدی آپنے بچیاں دے بارے نہیں بھُلدا!“
خدا کدی اوہدے بارے نہیں سی بھُلیا۔
ہڈسن ٹیلر: ”جے میرے کول ۰۰۰۱ حیاتیاں ہوندیا، تے میَں ۰۰۰۱ واری مشنری بندا۔“
کیہ تُسی وی مشنری بننا چاہندے ہو؟ میَں تہاڈے نال وعدہ کردی اَں: تُسی امیر نہیں ہوو گے، تے ایہہ اکثر تہاڈے لئی مشکل وی ہووے گا۔ پر بہرحال: ایہدے تھوں چنگا کوئی کم نہیں پئی جیہڑایسوع سانوں کرن نوں آکھدا اے تے ہر حال وچ اوہدا یقین کیتا جاوے۔
لوک: بیان کرن والی، ہڈسن ٹیلر، ڈاکٹر، پہلی عورت، دوجی عورت
حقوق: بحق سی ای ایف جرمنی محفوظ نے۔