STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 121 (Tracks in the snow 5)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

121. Rit´ipi lastro 5


Anaqa uj p’anqata ñawirishasqa, jinapis manapuni allinta jap’eqayta atisqachu imamantachus nishasqampeqa.

Ana: "Awilitay puñunayman ripusaj, allin tuta kachun."

Manataj puñunan wasimanchu risqa, jawaman rit’ipi puriykachaj llojsisqa. Wasinmanta karunejtaña rishaspataj ujllata llusk’arpaspa chakintachá q’iwirpakusqa, chaymanta manñapuni puririyta atisqachu.

Ana: (llorando) "¿Imanasaj kunanrí? Pillapis tarinawankama chiri wañuchiwanqacha kunanqa."

Rit’ipatapi tiyasqa waqarikusqa, qoyllurkunalla mayta k’ajarishasqa. Anaqa patata qhawarisqa, Dios yanapanmanchu karqa, ¿chay jina nanaynimpi kashajtin chay jina sajra Lucaswan kashajtimpis? Jinallapi rit’ipi suchuykachajkuna jamojta uyarisqa.

Ana: "¡Yanapawaychej, yanapawaychej! - Lucas, ¿qan? Ama jina kaspa yanapaway, chakiyta q’ewirpakuni..."

Lucas: "Ya, carroyman rerqosaj kayllapi suyawanki, kay chamarraywan qhataykukuy."

Lucas ripojtinqa, Anaqa tukuy sonqonmanta orakusqa:

Ana: "Munasqa Señor Jesús, ancha sajra kani chayrayku yanapayniykita necesitani, yanapawaj arí. Mañakuykitaj perdónanawaykita, wawayki kayta munani, manataj kunan kay jina nanaypi kasqayraykullachu, amén."

Lucasqa rit’ipi purinan carronwan kutisqa frazadasta ima apasqa.

Ana: "Lucas, ujta niyta munayki, noqa p’akerqani k’aspimanta caballituykitaqa. Jesús chaymanta perdonawanña, ama jina kaspà, qampis perdónaway, manaña chejnikuykichu."

Lucas: "Chaypipuni yuyasharqani, qonqallayña tukuy imapis allinña kunanqa."

Ana wasimpiña kashajtinqa, Lucaspis wasimpiña kaspa Diosmanta mañayta qallarisqa:

Lucas: "Señor Jesús, yanapaway ari, imaynapitaj rikuchiyta atiyman Anaman may llakisqa sullk’an Danij accedentakusqanmanta kashasqayta."

Chayrato yuyarirpakusqa chay pueblitopi uj médico kashasqanmanta. ¿Danij chakisninta jampiyta atinmanchu karqa? Chay tutapacha Lucasqa chay loma wasinmanta jurayk’amusqa chay ura valle pueblitomanqa. Manchayta rit’isqanrayku mana purina jina kasqa chaypeqa, jinapis chayasqa maymanchus chayananmanqa. Chay jinata risqantaj allimpaj kasqa á, chaypi médicoqa yanapanampaj kashasqa.

Chaypajtaj Daniqa internakunan kasqa uj hospitalpi unayta. Chaywampis wasinman chayapojtinqa manchay kusikuy kasqa, watejmanta puriyta atisqan kusiy karqa. Walej chayapusqanmanta fiestata ruwaspa Lucastapis invitasqanku. Danita mana muletasllawan purejta rikuspaqa, manchaytapuni kusikusqa.

Médico: "Dani, Lucasman agradecenayki tiyan, wañuytapis mana manchikuspa tutapacha mask’aj jamuwasqanmanta."

Lucas: "Mana noqallachu jamorqani, Jesús yuyaychaspa, yanapaspataj pusamuwarqa."

Chay lomapatapi tiyakoj kawsaqen awichitutaj tukuyta pagasqa. Chaytataj Lucasqa sumajta pakasqa mana rimarispa.


Personajes: Relator, Ana, Lucas, médico

© Copyright: CEF Germany

www.WoL-Children.net

Page last modified on August 08, 2023, at 05:07 PM | powered by PmWiki (pmwiki-2.3.3)