STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 089 (Ringu at the bull race 1)

Previous Piece -- Next Piece

DRAMAS -- perform them for other children!
Plays for children to perform

89. Ringu yunta atipanakupi 1


India suyupipis kampunchej jina kallajtaj kasqa, chaypi waynuchu Ringu sutiyoj torosninta uj juch’uy carrota qhatej kasqanku chayman sumajta wataykusqa, tatan mamankunataj chay carritoman wicharisqanku chaypi qharuman rinankupaj.

Ringu: "Batu, llojsimuy, puririshanña."

Batu: "Juhu, qhatuman kachaykukunachej."

Ringu: "Chanta ramichasunchej toro pujllay raymita."

Batu: "Ringu, ima jina suyashani, torosniykiwan atipankichus manachus chaytaqa."

Ringuqa pata horalla kashasqa, torosninwan carrota aysachispa tiyaykuytawan puririchisqapacha. Monte ukhunta risqaku, chanta chaypi rejkuna nisqanku, kay monte ukhupeqa phiña tigres, sajra espíritus tiyan, nispa.

Batu: "Apurachiy Ringu, astawan t’ijuchiy carroykita."

Ringu: "¿Watej chayaykullasuntaj llajtaman í? Yachankiña, sayanayki tiyan chay yuraj sombreroyoj, pichus Diosmanta k’achata parlan chaypi."

Chay llajtaman chayasqanku, chaypeqa manchay junt’a runa kasqa, chayaytawankama Ringuqa tukuymanta ñawpajta carromanta phinkiqarqosqa.

Ringu: "Atataw, atataw, chakiy chakillay."

Ringoj chaki talonninman rakhu jatun chhiska clavaykukusqa. Kirunta mat’i khaniykukuspa tukuy kallpawan sik’irpaytawan kujon kujon tatankunaj qhepankuta risqa. qhatumanta tatanqa tukuy imata ratirakusqa, Ringutaj uj ranqhajmanta platanota suwarpasqa, chay ruwayqa mana allinchu karqa, pay yuyaychakusqa á: ujkunapis suwallankoqa, nispa.

Chayllapi uj k’acha tatiykunata uyarisqanku. Ringuqa maymantachus chay takiyta uyarej t’ijuspa uj runawan tupanaykukusqa. Chay runaqa waj karu suyumanta kasqa, tukuy makimpi apashasqa chay papelesta pampaman qhallirpachisqa Ringuqa, payqa t’ijuspa chinkariyta munashallasqataj, jinapitaj qhepachisqa.

Misionero: "Suyaway waynucho, uj hojata regalasqayki. Kayqa Diospa cartan, chaypitaj nisunki munakususqanta."

Ringuqoqa chay papelta jap’iytawan apurayta buisilluykukusqa.

Chay takiy ch’inñajtintaj, armonio nisqa tokanata tokajqa sayaykuspa parlayta qallarisqa.

Pandu: "Noqa kani Pandu. Unayqa millay espiritusman jaywaj kani, wakastataj yupaychaj kani. Kunataj kawsaj Diosta rejsini, Paytataj yupaychaypa jatunchani, servinitaj."

Ringuqa chayta uyarispa t’ukuyta qallarisqa. Q’ayantin paqatintaj manchay tamborespa sonasqan rijch’arirpachisqa. Llakisqataj chkinta qhawarikusqa, chakinqa punkisqa pukayarishasqa.

Chayta rikuytawantaj tatanqa chayrato jampirita wayasqa, hechicero chamojta rikuspa Ringuqa kharkaterisqa. Jampiriqa chaki nanasqanman pimientata churaykuspa ninrisninman phukuykusqa, ujta Ringuga qhapariyta qallarisqa.

Ringu: "¡Aww!"

¿Chayqa thañichinmanchu karqa? Chantataj wakaswan tinkuy qallarisqa, Ringuqa sinch’i chaki nanaywan, jinapis kallpakuspa jap’isqa tumpata asirispa atipanakuman yaykusqa.

(Disparo)

Wakasqa ima jina t’iju llojsisqanku, chaypi qhawajkunataj manchayta qhaparisqanku yanapayta munaspa. Ringuqa chaki nanaywantaj qhaparishasqa yuntampa qhepanta rispaqa, manañapuni atispataj pampaman lankhakusqa…

Chaymanta imachus kasqanta qhepan semanallataña willasqayki, chaykamallaña.


Personajes: Relator, Ringu, Batu, misionero, Pandu

© Copyright: CEF Germany

www.WoL-Children.net

Page last modified on April 21, 2021, at 09:01 AM | powered by PmWiki (pmwiki-2.2.140)