STORIES for CHILDREN by Sister Farida

(www.wol-children.net)

Search in "Armenian":

Home -- Armenian -- Perform a PLAY -- 094 (Bad conscience 6)

Previous Piece -- Next Piece

DRAMAS -- perform them for other children!
Plays for children to perform

94. Տանջող խիղճը 6


Ռինգուն միսիոների նվագարանն էր գողացել։ Խիղճը տանջում էր նրան։ Գողանալը ոչ ոքի չի՛ երջանկացնում։ Ինքդ զգացե՞լ ես դա։ Տարբերություն չկա՝ խանութից ես ինչ-որ բան վերցրե՞լ, թե՞ մայրիկիդ պայուսակից։ Միայն մի ճիշտ տարբերակ կա ամեն բան վերականգնելու։

Ռինգուն որոշեց այսպես վարվել։ Նա Հիսուսին խնդրեց, որ ների իրեն և ուզում էր գողացածը վերադարձնել։

Նա կապեց ցլերին սայլից և նվագարանը դրեց վրան։

Բաթու. - Ռինգո՛ւ, ի՞նչ ես անում։

Ռինգու. - Պետք է երգեհոնը վերադարձնեմ։

Բաթու. - Գժվե՞լ ես։ Ինչո՞ւ ես գողացել, եթե վերադարձնելու էիր։ Ինչ սկսել ես հավատալ Հիսուսին, ես քեզ չեմ հասկանում։

Ռինգու. - Բարձրացի՛ր սայլին, վարելու ընթացքում ես քեզ ամեն բան կպատմեմ։

Ռինգուն քաղաք էր շտապում։

Նա ուրախ էր, որ միանգամից գտավ տիկին Մերիին։ Նա Հնդկաստանում աշխատում էր որպես Աստվածաշնչի թարգմանիչ։

Տիկին Մերի. - Հե՜յ, դո՛ւք՝ երկուսդ, ողջո՜ւյն։ Ինչ լա՛վ է, որ եկել եք։ ինձ կօգնեք։ Ես մի քանի կուրկու լեզվով բառեր եմ բաց թողել իմ թարգմանության մեջ։ Կօգնե՞ք ինձ։

Ռինգու. - Այո՛, բայց նախքան դա մենք պետք է տեսնենք Սահիբ Գրաբին։

Տիկին Մերի. - Նա այստեղ չէ։ Սահիբը ծանր հիվանդ էր։ Նա ինքնաթիռով իր տուն՝ Ամերիկա վերադարձավ, բայց բժիշկները չկարողացան օգնել նրան։ Սահիբ Գրաբը հիմա Երկնքում է։

Ռինգու. - Սահիբը Երկնքո՞ւմ է։ Տեր Հիսուսի հե՞տ։ Վստա՛հ եմ, որ նա այնտեղ շատ երջանիկ է, բայց ափսոս նա այլևս մեզ հետ չէ։

Տիկին Մերի. - Այո՛, նա այլևս մեզ հետ չէ։

Ռինգուն նորությունից շատ տխրեց։ Նա կսկսեց արտասվել։

Տիկին Մերի. - Տե՛ս, ես այստեղ նրա նկարն ունեմ։ Ուզո՞ւմ ես քեզ մոտ պահել այն։

Ռինգու. - Շա՛տ շնորհակալ եմ։ Սա իմ Սահի՛բն է, ով ինձ Տեր Հիսուսի մասին պատմեց։

Տիկին Մերի. - Ռինգո՛ւ, Աստված քո կյանքում ծրագիր ունի։ Ես հավատում եմ, որ Նա ուզում է՝ ուրիշներին էլ պատմես Իր մասին։

Ռինգու. - Բայց ես…, ես մի բան եմ գողացել՝ նվագարա՛նը։ Այն սայլի մեջ է։

Հիմա ամեն բան բացահայտված էր, և Ռինգուն հանգիստ էր։ Նա արագորեն ցատկեց սայլի մեջ և գողացված իրը վերադարձրեց։

Ռինգու. - Ցտեսությո՛ւն, տիկի՛ն Մերի։ Երբ հաջորդ անգամ գամ, ձեզ կուրկու լեզվով նոր բառեր կսովորեցնեմ, բայց հիմա մենք պետք է փայտ տանենք։

Մինչ նրանք ճանապարհին էին, Ռինգուն աղոթեց։

Ռինգու. - Տե՛ր Հիսուս, շնորհակալ եմ ինձ ներելու համար։ Խնդրում եմ ասա՛ Սահիբին, որ վերադարձրել եմ նվագարանը։ Ես շատ երջանիկ եմ հիմա և ուզում եմ Քեզ ծառայել։

Բաթու. - Ռինգո՛ւ, կարո՞ղ ես ինձ Հիսուսի մասին պատմել։

Ռինգու. - Այո՛, ես ամեն օր մեծ հաճույքով քեզ կպատմեմ Նրա մասին։


Հերոսներ՝ հեղինակ, Ռինգու, Բաթու, տիկին Մերի։

© Copyright: CEF Germany

www.WoL-Children.net

Page last modified on March 10, 2020, at 11:10 AM | powered by PmWiki (pmwiki-2.2.109)