071. ہالووین-میرے بغیر ۲

جین: ”مینوں لگدا سی پئی ہالووین اک بڑا ای زبردست تہوار اے تے اوہ خوف ناک شیواں بس کھیڈ تماشےلئی نے۔ پر جدوں مینوں احساس ہویا پئی ایہدے وچ شیطان دی پوجا کیتی جاندی اے، تے میَں اینہوں چھڈ دِتا۔“

جین اکلی نئی اے جیہڑی ہن ہالووین وچ حصہ نئیں لیندی۔

کارل: ”میَں تے فریکن سٹائن پیزے کولوں دور روانگا تے بھوت والے مُکے کولوں وی۔ مکڑی دے خون دی یخنی، اُف۔ ایہہ مینوں بیمار کردیندی اے۔“

کُڑی: ”انگریزی دی کلاس وچ اساں بس ہالووین دے بارے وچ گل کیتی۔ میرے ابو نے اُستاد نوں دسیا پئی ایہدا تعلق ناں ویکھیاں شیواں نال اے۔ ایہدا مطلب اے پئی ناں ویکھیاں شیواں موجود نے۔ فیر مینوں اجازت سی پئی میَں کلاس وچوں چلی جاواں۔“

تے رالف دی کیوں کوئی خواہش نئیں سی پئی ہالووین نوں منائے؟

رالف: ”میَں خدا اُتے ایمان رکھدا اَں تے اوہ ای کراں گا جو اوہ آکھے گا۔“

آپنی بائبل وچ ایہہ ایتاں پڑھو استثنا ۸۱ باب، ۹ ایت:

رالف: ”اوتھے دیاں قوماں وانگ مکروہ کم کرنے ناں سکھنا!“

خدا محبت اے! اوہ سانوں اگاہ کردا اے کیوں جو اوہ سانوں پیار کردا اے۔ اوہدے حکم چنگے نے۔ جیہڑا وی اوہ دی سُندا اے اوہ شیطان دے جال وچ نئیں پھسدا۔

بیَٹی: ”میَں نئیں جاندی ساں پئی ہالووین دے پیچھے شیطان اے۔ پر میَں ایہدے بارے وچ اک اشتہار وچ پڑھیا۔ جدے توں میں بڑی حیران ہوئی۔ ہن میَں ہر کسے نوں ایہدے بارے وچ اگاہ کرنی اَں۔ تے میَں اوہ اشتہار سکول وچ ہور اُچی واج وچ پڑھنی اَں۔ میری اُستانی نے مینوں ایس گل دی اجازت دِتی ہوئی اے۔ میرا یقین اے میَں اکلی نئیں اَں جیہڑی ایہدے بارے وچ سکھدی پئی اَں۔ پر میَں ہن ایہہ وی آکھدی اَں: ہالووین۔ میرے بغیر! مینوں اُمید اے بڑی چھیتی ہور لوک وی ایہو گل آکھن گے۔ جے مینوں پہلاں پتہ ہوندا پئی ہالووین شیطان دا جشن اے، تے میَں کدی ایہدا حصہ ناں بنی ہوندی۔“

ہو سکدا اے تہانوں وی ایہدے بارے وچ پتہ ناں ہووے تے تُساں ایہدے وچ حصہ لیا ہووے۔ کیہ تہانوں ایہدے بارے وچ افسوس اے؟ گھبراؤ ناں۔ یسوع ای فتح مند اے! اوہدے کولوں دعا منگو، اوہ تہاڈی سُندا اے۔ مثال دے طور تے، آکھو:

مُنڈا: ”خداوند یسوع، مینوں پیار کرن لئی شکریہ۔ مہربانی نال مینوں ہالووین وچ حصہ لین لئی معاف کر دیو۔ ہن میَں ایس طرح نئیں کراں گا۔ ہن میَں تہاڈے لئی اپنی حیاتی جینا چاہندا اَں تے تہاڈا کلام پڑھنا چاہندا اَں، یعنی بائبل۔ میَں تہاڈے اُتے ایمان رکھدا اَں۔ میرے گناہواں دی خاطر مرن لئی تہاڈا شکریہ۔ آمین!“

یسوع ایس طرح دی دعاواں دا جواب ضرور دیندا اے۔ اوہ تہانوں معاف کردا اے کیوں جو اوہ تہاڈے نال پیار کردا اے۔ تے جدوں تُسی اوہنوں آپنی حیاتی وچ آون دیندے ہو، تے اوہ سدا تہاڈے نال رہوے گا۔ اوہ تہاڈی راکھی کرے گا۔

تُسی اوہ ای کرو جو بیٹی نے کیتا: دوجیاں نوں وی دسو پئی ہالووین دے پیچھے کون اے۔ ہو سکدا اے اوہ وی یسوع اُتے ایمان لے آون تے آکھن: ہالووین۔ میرے بغیر!

لوک: بیان کرن والی، جین، کارل، کُڑی، رالف، بیَٹی، مُنڈا

حقوق: بحق سی ای ایف جرمنی محفوظ نے۔