961. ہالووین-میرے بغیر ۱

حوّا تے ہوورڈ نے سٹور والی باری دے اُتے آپنے نک نوں دبیا۔ شیشے دے پیچھے پیٹھیاں نے آپنے شیطانی دند وکھائے۔

حوّا: ”مینوں ہالووین دے بارے وچ رپورٹ لکھنی اے۔ بھائی، توں کھوپڑی ویکھی اے؟“

ہوورڈ: ”پر ایہہ اصلی نئیں اے!“

حوّا دے لوں کنڈے کھلو گئے۔

ہوورڈ: ”کیہ توں ہالووین دے جشن وچ جاویں گی؟“

حوّا: ”میَں نئیں جاندی۔ ہو سکدا اے۔ پر اجے میَں گھر جانا اے۔“

بوہے دے نال والی بیکری والیاں نے آپنے شیطان دی شکل والے چنگے بسکٹاں دی مشہوری کیتی۔ ہالووین دے کر کے لوک پیسے وی کماندے پئے سن۔

(بوہے دی گھنٹی دی واج)

ماں: ”آخر توں گھر آ ای گئی ایں۔“

حوّا: ”مینوں بھُک لگی اے (چاندی دے سامان دی پلیٹ وچ واج)۔ جیہڑے پیٹھے دے سر باری وچ سن اوہ کِتھے گئے؟“

پیو: ”اوہ کوڑے والی بالٹی وچ پئے ڈراندے پئے نے۔“

حوّا: ”کوڑے والی بالٹی وچ؟؟؟“

ماں: ”اج دے اخبار دا ایہہ مضمون پڑھ۔“ (اخبار دے صفیاں دے پلٹن دی واج)

حوّا نوں پیزا کھاندے ہوئے گوتا لگ گیا جدوں اوہنے ایہہ پڑھیا پئی ہالووین دا کیہ مطلب اے:

اکتوبر۱۳۔ چُڑیلاں۔ تے شیطان لئی جشن۔ ایہہ کہانی ۰۰۰۲ سال پہلاں دی اے۔ کلٹیاں دا نواں سال۔ اوہ خدا دے بغیر رہندے سن۔ اوہناں دا ایمان بہت سارے دیوتیاں اُتے سی تے اے کہ سامہین، مردیاں دا دیوتا، ایس رات نوں آوندا اے تے مُردیاں نوں کٹھاکردا اے۔

حوّا: ”تے فیر ہالووین تے شیطان دا جشن اے۔“

ہالووین انگریزی زبان دا لفظ اے، جیہڑا سارے رسولاں دے دن دی عید لئی استعمال ہوندا اے۔ بہت پہلاں، جادوگر گونگلو نوں تراشدے سن، اوہناں وچ اک موم بتی رکھدے سن، تے اوہناں نوں آپنے گھراں دے اگے لاندے سن: ’لعنت دا تحفہ۔‘ جیہڑا وی سامہین لئی قربانی نئیں دیندا سی اوہدے اُتے لعنت آوندی سی۔

پیو: ”روپ بدل کے جیہڑیاں روحاں مٹھائیاں منگدیاں نے اوہ سانوں بت پرست رسماں دی یاد دواندیاں نے۔ بائبل آکھدی اے: شیطان کولوں دور رہو۔ ہالووین شیطان دی رات ہوندی اے۔“

ماں: ”مینوں ایہدے بارے وچ پتہ نئیں سی۔ پر ہن تھوں: ہالووین۔ میرے بغیر۔“

پیو: ”کیہ توں قربانیاں دے بارے وچ پڑھیا اے؟“

حوّا دا رنگ پیلا پے گیا جدوں اوہنے ایہہ پڑھیا پئی شیطان لئی لوکاں نوں قربان کر دِتا جاندا سی۔ کڈی ماڑی گل اے! شیطان جھوٹھا تے قاتل اے۔ ہالووین اوہدا دن اے۔

پیو: ”خدا نے آکھیا اے پئی سانوں بت پرستاں دیاں رسماں وچ شامل نئیں ہونا چاہیدا۔ ایس لئی میَں آکھدا اَں: ہالوین۔ میرے بغیر!“

تے تُسی کیہ سوچدے ہو؟ کیہ تُسی یسوع مسیح اُتے ایمان رکھدے او؟ جے رکھدے او، تے تہاڈے کول حقیقی اطمینان اے جہدے لئی خوف ناک جشناں دی لوڑ نئیں اے۔

حوّا: ”میَں ہالووین جشن اُتے نئیں جاواں گی۔ ہوورڈ نوں ایس ایم ایس: ہالووین۔ میرے بغیر!“

تےیقینا تہاڈے بغیر وی!

کیہ تُسی ہالووین دے بارے وچ ہور جاننا چاہندے او؟ تے فیر مینوں خط لکھو!

لوک: بیان کرن والی، حوّا، ہوورڈ، ماں، پیو

حقوق: بحق سی ای ایف جرمنی محفوظ نے۔