Home -- Quechua -- Perform a PLAY -- 086 (Prayer prohibited 4)
86. Mana Diosmanta mañakunachu 4
Reypa ministrosninqa Danielta manaña rikuyta muanasqankuchu ch’ijnispa wañuchiyta munasqanku.
Ministro 1: "¿Imatachus rey nisqanta uyarinkichejñachu?"
Ministro 2: "Uyariykuñapuni á, Daniel reypa paña makiy jina kanampaj churasqa kanqa. Chaychu kanman, imallatpais tarinanchej tiyan reypa ñawpaqempi ch’ataykunapaj."
Ministro 2: "Nisina imatapis tarisunmanchu."
Ministro 1: "¿Imaninkichejtaj, creesqannejta t’ojpisunman chay? Sapa p’unchay kinsatapuni orakun Diosninmanqa. Reyman uj proyectota kamachiyta orqhonampaj rikuchisinman chayqa, chaymanta…"
¿Imaraykupuni jinata chejnikorqankurí? Danielqa mana paykuanta imanasqapischu. Diospa wakichisqanman jina Danielqa manchay jatuchej cargosman churasqa kasqa. Reypa paña makin jina kanampaj chuwasqa kashajtin contranta sayaykushanku, chaymanta jap’inakorqanku á, envidiamanta.
Ministro 1: "Jaku, apurakuy, kay wakichisqanchejta kamachiyta apanachej reyman. Payqa firmaykunallan tiyan."
Ministro 2: "Rey Darío, tukuy príncipes t’ukurinku uj kamachiyta orqhonaykita, chaytaj wakichisqaña, kayjinataj: Pillapis kinsa chunka p’unchaykunapi mañakunman mayqen runamanta chayrí mayqen diosmantapis, manataj qan reymantachu chayqa, wijch’uykusqa kanqa leonespa t’oqonman. Kay kamachiyta llojsejtin manaña pipis ujinayachiyta atenqachu."
Reyqa mana cuenta qokusqachu ujkunaj mana allin yuayasqankutaqa, chayrayku chay kamachiyman filmaykusqa junt’akunampaj. Jinapis Danielpajqa Diospuni tukuy imamanta nisqa ñawpajpi karqa, ni ima kamachiy chaymanta karuncharqankuchu. Wasimpi imaynatachus sapa p’uchay oraj jinata orashajtin, chay mana allinta yuyaykuna ventanamanta wateqarisharqanku.
Ministro 1: "Rey Darío, qan uj kamachiyta orqhorqanki, chaypitaj nishan nipipis mayqen diosllamantapis mañakunankuta kinsa chunka p’unchaykunata."
Rey: "Arí, cheqapuni chayqa."
Ministrio 1: "Danielqa kinsakutita sapa p’unchay orakun Diosninmanqa, noqaykupuni rikuyku. Leonkunaman wijch’uykusqacha kanqa."
Rey: "Wa, ¿Daniel?"
Reyqa mayta munakorqa Danieltaqa, chayraykutaj salvayta munarqa mana wañunampaj. Jinapis kamachisqaña kasqa.
Rey: "Daniel, tukuy sonqo sirvishanki, chay Diosniyki qanta librasuchun, mana noqa imatapis ruwayta atiniñachu."
Chanta leonespa t’oqonkuman Danielta wijch’uykorqanku. Chay tutataj reyqa manapuni puñuyta atisqachu. Q’ayantin tutamanta t’ijusqa leonespa t’oqonkumanqa.
Rey: "Daniel, kawsaj Diospa kamachin, pitachus mana sayk’uspa sirvinki, chay ¿Diosniyki librasuyta aterqachu leonesmanta?"
Daniel: "Reyneyqa wiñaypaj kawsachun. Diosniymin angelninta kachamorqa, paytaj leonespa siminkuta wisq’aykurarqa."
Rey manchayta kusikusqa Danielta kawsashajta rikuspaqa, kamachisqataj usqayta orqhonankuta. ¡Daniel nimanasqa llojsimusqa leonespa t’oqonkumantaqa!
Daniel jatunchasqa kasqa, payta chenikojkunataj leonespa t’unasqan kasqanku.
Rey: "Tukuynin reinoypi, Danielpa Diosninta manchachikuychej, payllamantaj k’umuykukuychej, Paymin yanapan salvantaj. Paymin kawsaj Diosqa wiñaypaj."
Danielpa feyninqa askha imakuta ruwasqa. Chay Diosmin t’inkachisonqa creesqaykipi sinch’i sayasqa kasqaykimantaqa.
Personajes: Relator, dos ministros, rey, Daniel
© Copyright: CEF Germany