STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 086 (Prayer prohibited 4)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

86. Bäden vebodden 4


Däm Kjennich siene Minnista wullen Daniel ombrinjen.

1. Minnista: "Hand jie dee latzte Norecht aul jehieet?"

2. Minnista: "Na sejcha! Daniel saul dee tweedhechsta Maun woaren im Volkj. Wie motten waut utfinjen, met waut wie am vekloagen kjenen."

1. Minnista: "Daut woat nich so leicht senen."

2. Minnista: "Woo wudd daut senen met siene Religion. Jieda Dach deit hee dreemol to sienen Gott bäden. Wie lajen däm Kjennich een Jesazväaschlak fäa un dan..."

Wuarom wullen see daut doonen? Daniel haud iend doch nuscht jedonen. Gott haud am bat in dee hechste Stautsamta jebrocht. Un ditt wia daut krajt, waut dee aundre oajat. See wieren aufjenstich.

1. Minnista: "Nu oba schwind nom Kjennich. Hee mott daut bloos noch unjaschriewen."

2. Minnista: "Kjennich Darius, aule huach Aunjestalden haben jedocht, de Kjennich saul een nieet Jesaz moaken, daut soo senen wudd: Jiedra, dee in dee näachste 30 Doag waut von Menschen ooda Gott bedden deit, buta von die, däm Kjennich, dee saul in de Leiws äa Loch jeschmäten woaren. Lot dit Jesaz bekaunt moaken, un kjeena doaf daut ändren."

De Kjennich haud iend nich derchkjijt, un deed sien Stampel doaunja drekjen. Oba in Daniel sien Läwen haud Gott noch ema dän ieschten Plautz, doaraun kunn uk daut Jesaz nuscht ändren! Aus hee bäden deed, wort hee von siene Fiend beobacht.

1. Minnista: "Kjennich Darius, du hast doch een Jesaz jemoakt, woo kjeena waut von eenem Gott erbäden doaf."

2. Minnista: "Daniel deit dreemol aum Dach to sienem Gott bäden. Wie haben daut gaunz neiw jeseenen. Leiwsfooda woa wie von am moaken."

Kjennich: "Daniel?"

De Kjennich leewd Daniel un wull am beschitzen. Oba Jesaz wia Jesaz.

Kjennich: "Daniel, mucht dien Gott die halpen."

Un dan wort Daniel en de Leiws äa Loch jeschmäten.

In dise Nacht kun de Kjennich nich schlopen. Zemorjens rand hee no de Leiws äa Loch.

Kjennich: "Daniel, haft dien Gott die jerat?"

Daniel: "Mucht de Kjennich eewijch läwen. Mien Gott haft eenen Enjel jeschekjt, dee haft de Leiws de Frät tojehoolen."

De Kjennich freid sich, daut Daniel noch läwd un leet am ruttrakjen. Daniel wia nuscht velatzt un haud uk kjeenen Krauza. Daut es een Wunda von Gott!

Daniel wort jeieet un siene Fiend worden von de Leiws veräten.

Kjennich: "In mienen gaunzen Kjennichsrikj saul de Gott von Daniel aunjeroopt woaren. Hee deit raden un halpen. Hee es dee läwendja Gott dee ema blift."

Daniel sien Gloowen bewirjt grootet.

De läwendja Gott woat uk dien Vetruen beloonen.


Persoonen: Eena waut vetalen deit, twee Minnista, Kjennich, Daniel

Copyright: CEF Germany

www.WoL-Children.net

Page last modified on May 27, 2020, at 10:23 AM | powered by PmWiki (pmwiki-2.2.140)