STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 020 (On the run 5)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

20. Opp de Flucht 5


De Pieetsheefta klopade opp däm Wajch nom Kjennichspaulaust. Daut räajend sea. De Woagen haud noch nich goot aunjehoolen, aus Kjennich Ahab doa rutahupst un im Paulaust veschwung.

Ahab: "Isebel, Isebel, du kaust daut nich onen, waut vendoag passiet es. Fia foll vom Himmel. Aula haben daut jeseenen, daut de Gott von Elia dee woara Gott es. Baal kunn nich halpen, un aula dee am veieeden sent doot."

De Kjennichsfru horcht goot to. Woat dise Norecht un de Räajen ar doavon äwazeichen daut de Har Gott es? Nä. See wort fa Oaja jreen un bleiw.

Isebel: "Ekj woa Elia ombrinjen."

Aus Elia daut enwort waut Isebel met am wull, kleiwd hee ut. Hee rand soo schwind aus noch niemols in sienem Läwen. Meist 200 Kilomeeta rand hee. Oba daut wia am dann noch nich secha jenuach. Wieda, ema wieda rand hee nom Sieden. De Angst dreef am bat in de Wiltnis.

Waut deist du, wan du Angst hast?

Gott es ema doa! Ema haud Elia sich von am fieren loten. Oba ditmol dreef am de Angst. Aus hee nich mea kunn, sad hee sich unja eenem Struk un bäd:

Elia: "Har, ekj kaun nich mea. Lot mie stoawen."

Gott es doa. Oba dit Jebäd deed hee nich erhieren. Gott leet am schlopen un dan schekjt hee eenen Enjel, dee am oppwakjen deed.

Enjel: "Elia sto opp! Doo äten un drinkjen!"

Elia muak de Uagen opp un kjijd sich rom. Dan sach hee oppeenmol een Kuffel met Wota un reeschet Broot. Daut schmajd scheen!

Un dann schleep Elia noch eene Tiet un dan passieed daut selwje wada.

Gott es doa. Dann erkjand Gott sien Deena de Leew, met dee hee hia en de Wiltnis vesorcht wort. Nu kunn hee uk wada opp Gott horchen. Met eenen nieen Oppdrach jinj hee wada trij.

Gott es doa! Uk du brugst die nich ferchten. Met eenem Farsch ut de Bibel mucht ekj die Moot moaken:

"De Har es mien Licht un miene Radunk; fa wäm sull ekj mie ferchten! De Har es miene Läwenskrauft en dee ekj secha sto; fa wäm sull ekj mie enjsten?" (Psalm 27,1)


Persoonen: Eena waut vetalen deit, Ahab, Isebel, Elia, Enjel

Copyright: CEF Germany

www.WoL-Children.net

Page last modified on April 27, 2020, at 05:28 PM | powered by PmWiki (pmwiki-2.2.140)