STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 020 (On the run 5)

Previous Piece -- Next Piece

DRAMAS -- perform them for other children!
Plays for children to perform

20. Elíasan jaltatapa 5


Caballonacan casconacapajj palacior sarañ thaquin suenascänwa. Walpin jalluscäna. Apenasaw mä carrojj saytäna, rey Acab jupajja thokhokasïnjja palacio mankhanjja chhaktawayjjewa.

Acab: “Jezabel, Jezabel, janiw amuycasmati cuntejj jichhuru pasqui ucjja. Ninaw alajj pachata jalaktani. Uqhamasti takeniwa uñjapjje Elíasan Diosapajja chekpach Diosatapa. Baal jupasti janiw yanapquiti ucatsti sacerdotenacapajja jiwaratawa. Elíasan oración lurataparusti jalluntjjewa.”

Reinajj takpach arunaca cuntejj Acab jupajja cuentcatayna uc sum ist’atayna. ¿Jupan arunacapampejj amuyt’änti uqhamarac jallusa Tatitun Diosatapa? Culirajja ajanupsa mayjt’ayänwa.

Jezabel: “Elíasarojja kharur pachaw jiwjayä.”

Elíasajj Jezabelan amtatap yatjjataynawa utatstï jaltjjataynawa. Jacañataquiwa jaltatayna. Nïya 200 Km. Ucasa janiw anchacänti. Juc’amp jayaru, juc’amp jayaru, aynach tokeru – ajjsarajja wasararuwa apatayna.

¿Cunapachatejj ajjsar mant-tämjja cuns lurtajja?

¡Diosajj take ch’amaniwa! Elíasajj ucj yatïnwa uqhamarac jupampejj irpayasïnwa. Ucampisa jichhajja ajjsaraw atipjatayna. Wali karjjatäsinjja mä kokan cayuparuwa liwitat-tatayna ucat oración luratayna:

Elías: “Tatay, janiw jc’amp sarjjerïst-ti. Acar jiwjjä.”

Diosajj oracionanacjja istíwa. Ucampisa aca mayïwjja janiw ist’cänti. Nayrakatajja Elíasajj icjpan sataynawa, ucatsti mä angel sartayañataqui qhitatayna.

Ángel: “¡Elías, särtam, umt’asim, mankt’asim!”

Cunapachatejj Elíasajj nayra jist’aratayna uqhamarac uñatatasïn ucqhajja, mä uma vaso uqhamaraqui t’ant’ampi uñjatayna. ¡Cunja sumänsa! Wastat ict’ataynawa ucjjarusti pachparaquiquïnwa. Diosajj acancascaquipiniwa. Uc Tatitun qhitatapajja uñjatayna cunjamtï take cunsa wasaran churcatayna uca toke. Jichhasti wastat Tatitur ist’irjamäjjänwa. Machak Tatitun luräwipampiw cut-t’ataynawa.

Diosajj acancasquiwa. Jumajj janiraquiw ajjsarañamäquiti. Bibliat mä textompiw ch’amañchan munta: “Tatituw khanajjajja uqhamarac khespiyasiñajjäsa, ¿qhitirus ajjsarä? Tatituwa jacañan ch’amajjajja, ¿qhititsa ajjariristjjä?”


Unstirinaca: Parliri, Acab, Jezabel, Elías, ángel

© Copyright: CEF Germany

www.WoL-Children.net

Page last modified on October 08, 2018, at 10:18 AM | powered by PmWiki (pmwiki-2.2.109)