STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 020 (On the run 5)

Previous Piece -- Next Piece

DRAMAS -- perform them for other children!
Plays for children to perform

20. E hoore hawjere 5


Kolmooje pucci ɗin accii batte ka hoore laawol hewtinayngol ka tata lanɗo on. Hari ndiyan tiiɗuɗan no saaƴa. Tawi maker on hewtaali taho ka o darotoo adalde yo kanko Akaabu lanɗo on yo o hocco, o muta ka nder tata.

Akaabu : "Izibiila, Izibiila, a hoolotaako ko waɗi kon hannde. Yiite tippike immorde ka kammu. Fow yi'i wondema ko Alla Iiliiya on woni Alla tigi-tigiijo on. Nduu sanamuuru wi'eteendu Baalu waawaali wallitaade, awa kadi rewooɓe ɓe ndu ɓen fow waraama."

Debbo Lanɗo on nani ko yewtaa kon fow. Hara nden yewtere ɗon maa ndiyan ɗan no gayna fellintinangol mo wondema ko Joomiraaɗo on woni Alla? Hinaa ɗun, o monii fota fii konguɗi ɗi o nani ɗin!

Izibiila : "Mi waray Iiliiya."

Ɓayru annabi Iiliiya nanii wondema debbo lanɗo on no faalaa warugol mo, o dogi. O dogi e hoore hawjere e no o dogiraali haa hannde gila ko o tagaa. O dogi embere 125 miles (201,17 km)! Hay ɗon, hari o holaaki o daɗay. Awa o dogi non, o yaari senngo ɲaamo.

Ko honɗun waɗataa nde huluɗaa?

Alla no ɗoo! Annabi Iiliiya jaɓii yo Alla ardo mo soono kala. Kono e ga'al ɗoo, ko kulol makko ngol o jaɓi yo ardo mo. Ɓay o waawaali yahude, hakkee himo ronki, o jooɗii e ley leggal, o torii, o wi'I :

Iiliiya : "Joomiraaɗo, mi lannii ronkude. Accu mi maaya."

Alla no ɗoo. Kono o jaɓaali nden tornde makko, o wi'i mo o "newnii". Allaahu on acci annabi Iiliiya, o ɗaanii, o imminani mo malaa'ikaajo ko findina mo.

Malaa'ikaajo : "Iiliiya, immo. Ɲaamu goɗɗun, yaraa!"

Annabi Iiliiya udditi gite makko ɗen, o ndaari takko makko. O tawi ɗon loonde waɗorde ndiyan e bireedi juɗaaɗe no binnde makko tigi. Ɗun no moýýi fota!

Annabi Iiliiya ɗaanii kadi, kon ko waɗi fillitii kadi.

Alla no ɗoo. Nelaaɗo Alla on anditi fii on goonga fewndo ko o yi'i giggol ngol Alla dankorii mo ngol, ka tumbo wulaa ɗon. Jooni, himo waawi nanude hito Alla ngon. O yiltodi e nelal kesal.

Alla no ɗoo! A haanaa hulude. Miɗo haɓɓitii wakkilingol ma rewrude e oo aaya iwuɗo ka Kitaabul-Muggadasi ɗoo :

"Ko Joomiraaɗo on woni ndaygu an e kisiyee an : Ko hombo mi hulata? Ko Joomiraaɗo on woni suuɗorde ngurndan an : ko hombo mi diwnata yeeso mun?" (Zabuura 27 : 1)


Yewtooåe : Fillitotooɗo, Akaabu, Izibiila, Iiliiya, malaa'ikaajo

© Copyright : CEF Allemagne

www.WoL-Children.net

Page last modified on December 07, 2021, at 09:52 AM | powered by PmWiki (pmwiki-2.3.3)