STORIES for CHILDREN by Sister Farida

(www.wol-children.net)

Search in "Armenian":

Home -- Armenian -- Perform a PLAY -- 003 (Pig slop or banquet dining)

Previous Piece -- Next Piece

DRAMAS -- perform them for other children!
Plays for children to perform

3. Խոզերի կեր կամ տոնական խնջույք


Հայրը տխուր կանգնած էր պատուհանի մոտ: Մի քանի օր առաջ իր կրտսեր որդին վերցնելով իր ժառանգության գումարը՝ թողել հեռացել էր տնից: Նա գնացել էր՝ նույնիսկ հետ չնայելով:

Հայրը սիրում էր նրան: Որտե՞ղ է իր որդին: Ինչպե՞ս է նա:

Ըստ երևույթին, նա լավ էր, շատ գումար ուներ, շատ ընկերներ, և մի խնջույքից մյուսն էր գնում: Խնջույք, ուրախություն, խմիչք և բաներ, որոնք նա գիտեր, որ սխալ են: Նա պարզապես գնում էր ամբոխի ուղղությամբ: Շուտով նրա ամբողջ գումարը վերջացավ, ընկերները հեռացան նրանից:

Աշխատանք չունենալը մեծ խնդիր էր: Վերջապես նա մի ագարակատիրոջ մոտ աշխատանք գտավ: Կերակրում էր խոզերին. դա ամենավատ աշխատանքն էր, որ կարող էր երբևէ անել: Նա քաղցած էր և պատրաստ` ուտելու նույնիսկ խոզերի ուտելիքը` թեփը, սակայն ոչ ոք դա էլ չէր տալիս նրան:

Եվ մի օր նա քաղցած և պատառոտված հագուստով նստեց վատ հոտ ունեցող խոզերի կողքին ու սկսեց տխուր մտածել:

Հայրը սիրում էր նրան, արդյոք նա հիշո՞ւմ էր դրա մասին:

Նա ինչ-որ բան մտածեց, հանկարծակի կանգնեց և ասաց.

Որդի. - Ես տուն կգնամ, ներողություն կխնդրեմ, կասեմ հորս, որ սխալվել եմ՝ իմ ուզած ճանապարհով գնալով:

Իրոք, նա ցանկանում էր իր հորն ասել սա:

Պատկերացրե՛ք` նույնիսկ երբ որդին դեռ չէր հասել և հեռու էր տնից, հայրը տեսավ նրան: Նա սիրում էր իր որդուն և վազեց` դիմավորելու նրան:

Նախքան որդին որևէ բան կասեր, հայրն իր ձեռքերի մեջ առավ որդուն, գրկեց ու համբուրեց: Նա մեծ ուրախությամբ կանչեց իր սպասավորներին ու նրանց ասաց.

Հայր. - Շտապե՛ք, բերե՛ք մաքուր հագուստ, մատանի և կոշիկներ: Պատրաստվե՛ք խնջույքի: Մենք պետք է տոնենք սա. իմ որդին այստեղ է: Իմ այս որդին կորած էր, բայց գտնվել և վերադարձել է ինձ մոտ:

Ինչպես հայրն էր սիրում իր որդուն, նույնպես էլ Աստված է սիրում ինձ և քեզ: Նա ուզում է, որ գնանք Իր մոտ և ապրենք Իր հետ: Այդ պատճառով էլ Հիսուսը պատմեց այս պատմությունը:

Եթե ուզում ես ես ավելին իմանալ Աստծո և Նրա սիրո մասին, ապա խնդրում եմ գրի՛ր ինձ:


Հերոսներ՝ հեղինակ, որդի, հայր:

© Copyright: CEF Germany

www.WoL-Children.net

Page last modified on February 14, 2020, at 10:12 AM | powered by PmWiki (pmwiki-2.2.109)