STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 160 (Why does Jesus allow it 1)

Previous Piece -- Next Piece

DRAMAS -- perform them for other children!
Plays for children to perform

160. Imaraykutaj kayta churan Jesúsri 1


Kinansa hermanosqa mana t’aqanakoj kasqanku, ¿qan rejsinkichu? Martaqa, payqa tukuy imapi yuyaspa manchay k’uchi ruwanawan tinkoj kasqa á. Maríataj, uj chhikan manchili jina ch’inlla kakoj kasqa. Lázarotarí hermanonku, pipis paypi confiakunampaj jina kasqa, kinsantinkutaj mayta munakusqanku Jesústaqa.

Jesús yachachisqasninwan khuska Betaniaman rispaqa, paykuanta visitajpuni kasqanku. Juch’uy wasinkupi k’acha kusisqa kawsakuypuni kasqa, uj p’unchay Lázaro sinch’nta onqoykurpasqa. Maríaqa may llakisqa puñunanejpi tiyaykusqa qhawasqa. Onqosqa mana parlarispa ch’irmisqalla kasqapis, Marta wasi ukhuman yaykuspa manchharisqa chay jinata hermanonta qhawarispaqa.

Marta: "María, mana jinallata qhawakusunmanchu, Jesúslla yanapayta atiwanchej, kunitanpacha wajchamojta kachasaj."

Chay willajqa mana samarispa t’ijito ripaa Jesústa taripamusqa Jordán qayllapi.

Mensajero: "Jesús, Maríawan Martawan kachamushawanku. Usqayta rinayki tiyan, Lázaro sinch’i onqosqa kashan. Jaku usqayta ari, manachay wañunqachus imacharí."

Jesúsqa chay kinsa hermanosta munakusqa, jinapis mana chayratochu risqa wasinkumanqa. Maypichus kashasqanku chaypi uj maskha p’unchaytawanraj qhepakusqa.

Jesús: "Jaku kunanqa, Lázaro puñushanña. Rejch’arichimusaj."

Discípulos: "Puñushan, jina chayqa rijch’arinqañacha á."

Jesús: "Ujina puñuymantataj nishani. Lázaroqa wañun."

Discípulos: "¿Wañun?"

Jesús: "Kusikunitaj mana chaypi kashasqaymanta, chaywanqa noqapi creeyta yachakunqanku."

Chay kuti yachachisqasnin mana entendesqankuchu imamantachus nishasqantaqa. Lázaroqa wañusqa kashasqa, Jesústaj chaymanta kusikusqa, imaynapitaj Jesúspi creeyta yachakunqankurí? Jesúsqa niyta musharqa Paypi confiayta yachanankuta mana allin kaypipis, ¿ni imata entiendespapis?

Lázaroqa p’ampasqaña kasqa, Maríawan Martawantaj mayta waqasqanku. Askha runakunataj risqanku, chay iskay hermanasta sonqochayta munaspa.

Kunan uj tareitata qoyta munayki.

Kay tapuykunapi allintapuni t’ukuriy:

¿Imatataj ruwawaj, sichus Jesús mañakusqaykita chayrato kutichisojtin, nitaj yanapasojtinrí?

¿Imatataj ruwawaj, mana allin kajta saqellajtinrí?

¿Chay tukuywampis Jesús munakususqampi creellawajpunichu?

Chaykunapi t’ukuriy maá, amataj qonqankichu qhepan tinkuyninchejpi chaymanta astawan yachananchejtaqa.


Personajes: Relator, Marta, mensajero, Jesús, discípulos

© Copyright: CEF Germany

www.WoL-Children.net

Page last modified on April 28, 2021, at 03:52 PM | powered by PmWiki (pmwiki-2.2.140)