STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 159 (Whoever digs a hole 4)

Previous Piece -- Next Piece

DRAMAS -- perform them for other children!
Plays for children to perform

159. Maypicha kashan chaymanta jap´in 4


Amán, chay maypaj creekoj sajra runqa, casi wasamampis wijch’ukusqa. Ni jayk’aj yuyasqachu jatunchayta pitachus pay maytapuni chejnikusqan runataqa, Mardoqueota, tukuy llajtaj rikunantarajtaj. Pitachus sipirpayta munasqanta, jinapis tukuy imata wakichisqa mana kawsaj Diosllawan, Payqa munakun waqaychantaj llajtantaqa.

Sichu Amán yachanman karqa imachus suyasqanta chay... jinapis Amánqa may uma oqharisqa kashasqa reywan khuska invitasqa kanqanmanta.

Reynaqa ñapis sumaj mikhuna wayk’usqawan suyashallasqañataj. Kamachina palaciopeqa nipipis yachasqachu reynaqa judío Mardoqueoj wawan kasqantaqa. Chay ch’is reyqa uj imata qoyta munasharqa.

Rey: "Reina Ester, ¿imatataj munankirí? Noqa qoykima kamachiyniymanta khuskannintapis."

Ester: "Reyniy, ama jina kaspa, ama wañuchiwaykuchu, noqata jinataj tukuy judiokunatapis. Uj runa wañuchispa tukuchiyta munawayku."

Rey: (ofuscado) "¿Wáj, pítaj chay runari? ¿Maypitaj chay sajra runa kashanrí?"

Ester: "Chay mana khuyakuyniyoj sajra sonqo runaqa, kay qanwan khuska tiyashaj Amán."

Reyqa phiña ima ninanta mana yachasqachu. Amántaj mana wañuchinanta mañakuyta qallarisqa, jinapais qhasita. Reypan kamachisnin ñawisninta wataykuspa wasinman apasqanku. Amánqa sipisqa wañusqa imatachus Mardoqueota wañuchinampaj wakichisqallampitaj.

Niña: "Ari á, pichus uj t’oqota wajpaj allajqa, chay t’oqollamanta urmaykun, (trampa)."

Amánqa manamin payllachu judíokunata wañuchispa chinkachiyta munaj karqa, manataj chaypichu tukukusqa chayta munanaqa. Chaywampis Dios waqaycharqa, waqaychanqapunitaj munakusqan llajtataqa. Dios sajra supaypa wakichisqanta phirirparisqa.

Diospa wakichisqanqa karqa, judíokunamanta Jesús paqarinan, Salvadorninhej. Imatachus Dios munasqanqa ruwakumpuni. Rey Asueropis makimpipuni kasharqa.

Rey: "Reypa kamachisqa: tukuy kamachiynimpi kawsaj judiokuna, enemigosmanta jark’amuspa wañuchichinku."

Reypa willayta apaj kamachisqaninqa caballospi t’ijuspa tukuynin provinciakunaman chay suypi chay mosoj kamachiyta chayachisqanku. Amán, judiokunata chejnikojqa, judiokuna wañuchisqa kanankuta nisqa 13 p’unchayta 12 killapi. Chay p’unchaytaj manchay kusikuy p’unchayman tukusqa, imaraykuchus judíokunaqa tukuynin enemigosninkuta atipaykusqanku.

14 p’unchayta atipasqankumanta raymicharikusqanku. Judíokunaqa ujkuna ujkunawan mayta waqeykunata qonarikusqanchu chanta wajchakunamampis mikhuchisqanku. Llakikuyninkoqa kusikuyman tukorpasqa, Diostata Israel llajtanta ajllakusqa, waqaychasqataj. Diospuni imatapis, ajina kanqa nispa nejqa.


Personajes: Relator, rey, Ester, niña

© Copyright: CEF Germany

www.WoL-Children.net

Page last modified on April 28, 2021, at 03:47 PM | powered by PmWiki (pmwiki-2.2.140)