Home -- Malagasy -- Perform a PLAY -- 159 (Whoever digs a hole 4)
159. Tra-tehaka tamin'ny fandrika nataony ihany 4
Saika ho torana i Hamana, ilay lehilahy mahatsiravina. Tsy nampoiziny izany: tsy maintsy nanome voninahitra an'i Mordekay teo anatrehan'ny vahoaka rehetra izy, kanefa ny faniriana ny ny hanatona azy amin'ilay hazo, dia izy sy ireo jiosy hafa rehetra izay nonina tany Persia.
Saingy tsy nihevitra ny amin'ny fidiran'ilay Andriamanitra velona anefa izany, dia ilay Andriamanitra tia sy miaro izay mino azy.
Raha mba fantatr'i Hamana mantsy izay zavatra mbola hitranga... Nirehareha loatra anefa izy satria nasaina indray ho amin'ny sakafon'ny mpanjaka. Efa vonona i Estera mpanjakavavy ho an'ireo nasainy.
Tao an-dapa dia tsy fantatra fa vinantovavin'i Mordekay i Estera. Amin'ity hariva ity indrindra anefa ny Mpanjaka Ahasoerosy dia naniry hamaly izay faniriany rehetra. Izay rehetra tiany.
Mpanjaka: "Inona no irinao, ry Estera mpanjakavavy? Vonona aho hanome anao ny antsasaky ny fanjakako."
Estera: "Ry mpanjaka ô, raha sitrakao, vonjeo ny aiko, ary vonjeo ny oloko, dia ny Jiosy izany, fa misy te hamono sy handringana anay."
Mpanjaka (tezitra): "Iza moa io lehilahy io?"
Estera: "Io lehilahy Hamana io no fahavalonay ratsy indrindra."
Tezitra mafy ny mpanjaka, ka niangavy an'i Estera mba hamonjy ny ainy i Hamana. Saingy zava-poana izany. Nentin'ny manamboninahitra izy ka maty teo amin'ny hazo naoriny ho an'i Mordekay.
Zazavavy: "Izay izany! Izay mihady lavaka ho an'olon-kafa no ho latsaka ao."
Tsy i Hamana no voalohany te handringana ny Jiosy sy ny olona nino an'Andriamanitra. Ary tsy izy no ho farany. Niaro ny olony anefa Andriamanitra. Nofoanany io tetika ratsy io.
Satria ny fikasan'Andriamanitra dia ny hahatongavan'i Jesoa, Mpamonjy antsika, avy amin'ity vahoaka ity. Ary izay tian'Andriamanitra dia tanteraka avokoa.
Na dia i Ahasoerosy mpanjaka aza dia teo an-tanany koa.
Mpanjaka: "Didin'ny mpanjaka: Ny Jiosy rehetra amin'ny fanjakako dia manan-jo hiaina sy hiaro tena."
Nitaingina soavaly haingana indrindra ireo iraky ny mpanjaka ary nanambara izany lalàna vaovao izany tany amin'ny faritany rehetra tao amin'ilay tany. Tamin'ny andro fahatelo ambin'ny folo tamin'ny volana faharoa ambin'ny folo, i Hamana, fahavalon'ny Jiosy indrindra, dia nanambara mialoha ny andro hahafatesan'ireo olona ireo, nefa tonga andro fifaliana ho azy ireo izany satria resy ny fahavalony. Ny ampitson'iny dia nankalaza ny fandreseny izy ireo! Nifampizara fanomezana sy nizara ny sakafony tamin'ny mahantra ny Jiosy.
Nivoaka tamin'ny fanaintainana ny hafaliana. Niaro ny Israely olony Andriamanitra, ary niaro izay rehetra mino Azy.
Manana ny teny farany foana Izy.
Mpandray anjara: Mpitantara, mpanjaka, Estera, zazavavy
© Zon'ny mpamorona: CEF Alemaina