951. جيڪو بہ کڏ کوٽيندو 4

هامان، اهو خوفناڪ ماڻهو، لڳ ڀڳ مري چڪو هو۔ هو اهو ڏسي نہ سگھي ها: کيس سڄي قوم جي سامهون مردڪِي کي عزت ڏيڻي هئي، جڏهن تہ هو مردڪِي کي فارس ۾ سڀني يهودين سان گڏ ڦاهيءَ تي چاڙهڻ چاهي ٿو۔

پر هن اهو ناهي سوچيو تہ خدا وچ ۾ اچي بيٺو هو، خدا جيڪو پنهنجي ماڻهن سان محبت ڪري ٿو ۽ انهن جي حفاظت ڪري ٿو۔

ڪاش هامان کي خبر هجي ها تہ اڳتي ڇا ٿيڻ وارو آهي۔ پر هو تمام گھڻو فخر محسوس ڪري رهيو هو جو کيس ٻيهر بادشاهہ سان شام جي مانيءَ جي دعوت ملي هئي۔ راڻِي آستر پنهنجي مهمانن لاءِ تياري ڪري چڪي هئي۔ محل ۾، ڪنهن کي بہ اهو خبر نہ هو تہ آستر مردڪِي جي ماٽيلي ڌِيءُ آهي۔ ۽ اڄ شام، بادشاهہ اخسويرس سندس هر خواهش پوري ڪرڻ وارو هو۔

بادشاهہ: ”راڻِي آستر، ڇا تنهنجي ڪا خواهش آهي؟ مان توکي پنهنجي اڌ بادشاهي تائين ڏئي سگھان ٿو۔“

آستر: ”منهنجا بادشاهہ سلامت، مهرباني ڪري مونکي ۽ منهنجي يهودي ماڻهن جون زندگيون بخشيو۔ ڪو ماڻهوڻ اسان کي ختم ڪرڻ چاهي ٿو۔“

بادشاهہ (اُداسِي سان): ”ڪير آهي هُو؟ ڪٿي آهي هُو ماڻهو؟“

آستر: ”هامان ئي اسان جو سڀ کان وڏو دشمن آهي۔“

بادشاهہ ڪاوڙ سان ڀرجي ويو۔ ۽ هامان پنهنجي زندگيءَ بچائڻ لاءِ منٿون ڪرڻ لڳو۔ پر سندس نہ ٻڌي وئي۔ سپاهين هن جيون اکيون بند ڪري ڇڏيون ۽ کيس پري وٺي ويا۔ هامان ان ئي ڦاهيءَ جي ڦندي تي مريو جيڪو هن مردڪِي لاءِ تيار ڪيو هو۔

ڇوڪرِي: ”چڱو، جيڪو ڪنهن ٻئي لاءِ کوهہ کوٽي ٿو اهو پاڻ ان ۾ ڪري ٿو۔“

هامان پهريون شخص نہ هو جيڪو يهودين کي ختم ڪرڻ چاهيندو هو۔ ۽ هو آخري بہ نہ آهي۔ پر خدا پنهنجي ماڻهن جي حفاظت ڪري ٿو۔ هن ان برائي جي منصوبي کي ناڪام بڻايو۔

اهو خدا جو ئي منصوبو هو تہ يسوع، اسان جو بچائيندڙ، يهودين مان پيدا ٿئي۔ ۽ خدا جي جيڪا مرضي هجي، ائين ئي ٿئي ٿو۔

بلڪہ بادشاهہ اخسويرس بہ هن جي هٿ ۾ هو۔

بادشاهہ: ”بادشاهہ جو هي حڪم آهي: منهنجي بادشاهيءَ ۾ هر يهوديءَ کي هي حق آهي تہ هو پنهنجو دفاع ڪري سگھي ٿو۔“

بادشاهہ جو پيغام کڻي وڃڻ وارن تيز ترين گھوڙن تي سفر ڪري ملڪ جي هر صوبي ۾ وڃي اهو نئون قانون ٻڌايو۔ هامان، يهودين جو سڀ کان وڏو دشمن، ڊسمبر جي 31 تاريخ تي سڀني يهودين کي ختم ڪرڻ جو ڏينهن مقرر ڪيو هو، پر اهو ڏينهن خوشيءَ جو ڏينهن بڻجي ويو ڇو تہ يهودين پنهنجي دشمنن تي فتح حاصل ڪئي۔

هنن پنهنجي ڪاميابي کي 41 تاريخ تي ملهايو۔ يهودين هڪ ٻئي کي تحفا ڏنا ۽ غريبن ۾ کاڌو ورهايو۔

غم مان خوشي نڪري آئي۔ خدا پنهنجي اسرائيلي ماڻهن جي حفاظت ڪئي ۽ انهن کي چونڊيو۔

هن جا لفظ هميشہ حتمي هوندا آهن۔

ماڻهون: بيان ڪرڻ واري، بادشاهہ، آستر، ڇوڪرِي

ynamreG FEC :thgirypoC ©