STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 160 (Why does Jesus allow it 1)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

160. Wuarom deit Jesus daut toloten 1


Dee dree Jeschwista hilden sea toop. Kjanst du dee? Martha wia voll von Ideen un ema beschafticht. Maria, dee stelle, wia een bät trijtrakjend. Lazarus, de Brooda, opp däm kun maun sich ema veloten. Aule dree leewden Jesus.

Wan hee met siene Jinja no Betanien kaum, besocht hee iend.

In däm kjlienen Hus wieren mieschtens frooe Jesechta, bat Lazarus oppeenmol schwoa krank wort. Maria saut besorcht aun sienem Bad. De Kranka räd aul meist kjeen Wuat mea. Hee muak de Uagen to.

Martha kaum too de Däa nen un fefieed sich, aus see daut blausse Jesecht von äarem Brooda sach.

Martha: "Maria, soo kaun daut nich wieda gonen. Nu kaun bloos noch Jesus halpen. Ekj lot am fuaz roopen."

Gaunz meed funk de Boote endlich däm Harn Jesus aum Jordan.

Boote: "Jesus kom schwind! Maria un Martha schekjen mie. Lazarus es krank. Kom schwind, sonst stoaft dee!"

Jesus leewd dee dree Jeschwista. Oba hee jinj nich fuaz no iend. Hee bleef met siene Jinja doa wua hee wia. Miere Doag deed hee wachten.

Jesus: "Komt, nu well wie gonen.Lazarus es enjeschlopen. Ekj woa am oppwakjen."

Jinja: "Wan hee schlapt, jeit am daut bestemt boolt bäta."

Jesus: "Ekj hab daut met däm Schlop aundasch jemeent. Lazarus es doot."

Jinja: "Doot?"

Jesus: "Ekj frei mie, daut ekj nich doa wia. Wiels doaderch lia jie aun mie to jleewen."

Nu vestunden de Jinja goa nuscht mea. Lazarus es doot un Jesus freit sich. Woo sellen see derch dit lieren aun am to jleewen?

Meent Jesus vleicht, daut maun doawäajens opp am vetrauen kaun uk wan daut schlemste passieet es? Uk wan maun am nich vesteit?

Lazarus wort begroft. Maria un Martha hielden sea. Väl Jast wieren jekomen om met iend toop trurich to senen. See wullen dee beid Sestren treesten.

Un ekj mucht die nu eene kjliene Oppgow jäwen.

Denkj doch mol äwa dise Froagen no:

Waut wurscht du doonen, wan Jesus dien Jebäd nich fuaz erhieren deit un die nich halpt?

Waut wurscht du doonen, wan hee sogoa daut schlemste toloten wudd?

Wurscht du doawäajens jleewen, daut hee die leeft?

Denkj doaräwa no! Un vejat daut nich, im näachsten Spell toom horchen jeit daut wieda.


Persoonen: Eena waut vetalen deit, Martha, Boote, Jesus, Jinja

Copyrigt: CEF Germany

www.WoL-Children.net

Page last modified on August 08, 2023, at 08:07 AM | powered by PmWiki (pmwiki-2.3.3)