Armenian, Dramas: Piece 160 – Ինչու է Հիսուսը դա թույլ տալիս 1

This page in HTML4 - Print - Bottom

Home -- Armenian -- Perform a PLAY -- 160 (Why does Jesus allow it 1)

This page in: -- Albanian -- Arabic ? -- ARMENIAN -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

ԹՈՂԱՐԿՈՒՄՆԵՐ – ներկայացրո՛ւ սա ուրիշ երեխաների!

Թողարկումներ երեխաների համար

160. Ինչու է Հիսուսը դա թույլ տալիս 1

Երեք հարազատները անբաժան էին։ Ճանաչո՞ւմ ես նրանց՝ Մարթան՝ լի գաղափարներով և միշտ շարժման մեջ, Մարիամը՝ մի փոքր ամաչկոտ և լուռ, Ղազարոսը՝ նրանց հուսալի եղբայրը։ Երեքն էլ սիրում էին Հիսուսին։

Երբ Նա Իր աշակերտների հետ գնաց Բեթանիա, այցելեց նրանց։

Փոքրիկ տան մեջ միշտ ուրախ տրամադրություն էր, մինչ այն օրը, երբ Ղազարոսը շատ ծանր հիվանդացավ։ Մարիամը շատ անհանգիստ նստած էր նրա մահճակալի կողքին։ Իր հիվանդ եղբայրը հազիվ էր բառեր արտասանում։ Նա փակեց իր աչքերը։

Երբ Մարթան մտավ սենյակ և տեսավ եղբոր անգույն դեմքը, սարսափեց։

Մարթա. - Մարիա՛մ, այսպես չի՛ կարող շարունակվել։ Հիսուսը միակն է, Ով կարող է օգնել։ Ես հենց հիմա լուր կուղարկեմ Նրան։

Շնչակտուր սուրհանդակները Տեր Հիսուսին գտան Հորդանան գետի մոտ։

Սուրհանդակ. - Հիսո՛ւս, արա՛գ արի։ Մարիամն ու Մարթան են ինձ ուղարկել։ Ղազարոսը շատ ծանր հիվանդ է։ Արա՛գ արի, թե չէ նա կմահանա։

Հիսուսը սիրում էր այդ երեք հարազատ մարդկանց, բայց Նա անմիջապես չգնաց, այլ Իր աշակերտների հետ մի քանի օր մնաց Իր գտնված վայրում։

Հիսուս. - Եկե՛ք, հիմա գնա՛նք, Ղազարոսը քնած է։ Ես նրան կարթնացնեմ։

Աշակերտ. - Եթե նա քնած է, ապա շուտով կապաքինվի։

Հիսուս. - Ես մեկ այլ բան նկատի ունեի «քնած» ասելով։ Ղազարոսը մահացե՛լ է։

Աշակերտ. - Մահացե՞լ է։

Հիսուս. - Ես ուրա՛խ եմ, որ այնտեղ չէի, քանի որ դրա պատճառով դուք կսովորեք Ինձ հավատալ։

Աշակերտները չէին հասկանում, թե ինչ է կատարվում։ Ղազարոսը մահացած էր, իսկ Հիսուսն ուրախ էր։ Ինչպե՞ս պետք է այս իրավիճակում սովորեին հավատալ Նրան։

Արդյոք Հիսուսն ուզում էր ցո՞ւյց տալ, որ կարող են վստահել Իրեն, նույնիսկ երբ ինչ-որ սարսափելի բան է տեղի ունենում, և չեն հասկանում պատճառը։

Ղազարոսին թաղեցին։ Մարիամն ու Մարթան շատ էին լացում։ Շատ մարդիկ գնացին թաղմանը և փորձում էին քույրերին մխիթարել։

Ես քեզ փոքրիկ առաջադրանք եմ ուզում տալ։

Մտածի՛ր այս հարցի պատասխանի շուրջ։ ի՞նչ կանեիր, եթե Հիսուսը քո աղոթքին միանգամից չպատասխաներ և չօգներ քեզ։

Ի՞նչ կանեիր, եթե Նա թույլ տար, որ ամենասարսափելի բանը տեղի ունենա քեզ հետ։

Կհավատայի՞ր, որ անկախ ամեն ինչից՝ Նա սիրում է քեզ։

Խնդրում եմ մտածի՛ր այս հարցերի շուրջ։

Եվ հիշի՛ր՝ հաջորդ թողարկմանը պատմությունը շարունակվելու է։

Հերոսներ՝ հեղինակ, Մարթա, սուրհանդակ, Հիսուս, աշակերտ։

This page in HTML4 - Print - Top