Home -- Quechua -- Perform a PLAY -- 007 (On the winner’s side)
7. Dioqa aswan sinch´i
Ujtawan filisteokuna guerrapi kasqanku Israel llajtawan. Davispa kurajkunasnintaj chay guerraman risqanku maqanakoj sayaykunankupaj. Tatankutaj Davidta kachasqa yachamunampaj imayanchus kurajninkuna kashasqankuta chanta mikhunata ima apachispa.
Maypichus maqanakupaj wakichikushasqanku chayman chayaspata Davidqa rikuspa contrankupi maqanakojkunaj ñawpaqenkupi uj jatun maqanakojta. Chay runa kinsa metros jinapuni medirqa. Sutintaj Goliat karqa. Mana allin rikunawan alqochakoj Israel llajtamanta maldecejtaj. Tukuy Israelmanta maqanakoj soldadosqa manchikoj kanku. Rey Saúlnintin. ¿Paykuna qonqarparqanchu Diostata aswan atiyniyoj kasqantaqa?
Goliat: "Aja, israelitas tontos, rikuni manchikuywan kharkatishasqaykichejta, ja ja ja ja ja ja. Kuna suwintusman aychaykichejta qarasaj. Qankunaj Diosniykichej mana yanapayta atisunkichejchu. Noqa aswan kallpayoj kani Diosniykichejmanta nisqaqa."
David: "¿Uyarinkichejchu chay nisqanta? Diospa contanta parlashan, ¿imaynata saqellankichejri?"
Davidqa manchay phiñarisqa kashan chay filisteo runa chay jinata israeltakunata k’umuykachachisqanmanta, imapis imacha. Kawsaj Diosmanta alqochakunaqa mana atikunchu. ¡Nipuni! chayqa anchañapuni.
Chay ratopacha David t’ijun rey Saúl kasharqa chayman, nintaj pay sayaykunanta chay jatun maqanakoj Goliatman. Cheqatapuni nerqa, oveja michinan varanta chanta wark’allantawan oqharikuspa kachaykukun chay maqanakojqan tinkoj.
Diostata aswan atiyniyoj, chaytaj kallpata qon.
Chaypi kajkunamanta mana creeyta atinkuchu chaytaqa: chay ovejeritolla, chay waynuchito astawan astawanña qayllaykun chay jatun maqanakojmanqa. Uuyy t’ukunapaj, Goliattaj qayllamushallarqataj, astawan astawan qayllanakushanku...
Goliat: "¿Noqa alqochu kasqani k’aspiwan jamunawaykipajqa? ¿Yuyankichu Diosniykichej jark’asunaykita? ja, ja, ja, ja, Diosniykimanta aswan kallpayoj kani, kunitan wañuchisqayki."
David: "Qanqa jamuwanki sumaj armaswan espadawan ima, noqarí jamuni tukuy atiyniyoj Diospa sutimpi, pejpa contrantachus parlarqanki chaypa sutimpi. Paymá aswan atiyniyoj qanmanta nisqaqa, kunampacha wañuchisqayki, tukuytaj yachanqanku Israelpa Diosnin kawsasqanta."
Davidqa uj juch’uy rumita jap’ispa, wark’anman churaykuspa kacharin... (ruido de onda)
Goliat: "Aaaaaaayyyyy..." (ruido de caída de un cuerpo pesado)
Davidpa wark’awan kacharisqan rumiqa chay jatun maqanakoj runaj kikin frentinman clavakusqa. Chaypachataj pampaman wañusqa choqakun. ¿Imamanta allin karqa chay jinata Diospa contranta thutusqanrí? Pitaj aswan kallpayoj karqarí? ¡Tata Diospuni aswan atiyniyoj atipajqa!
Personajes: Relator, Goliat, David
© Copyright: CEF Germany