STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 006 (9 to 1)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

6. Jisq´onmanta uj kama


Manchay karusta Jesuswan yachachisqasninwan purinku. Bibliata Diospa nisqanta ñawirispa, tukuy Israel jallp’anejta paykunawan khuskapis purishasunman jina rejsinchej. Muq’enapaj jina, yachachisqasninqa Jesús yachachejninkuwan khuska kasharqanku, onqosqasta thañichishajtin, Janaj pacha tatanmanta parlashajtin, simiwan nispalla sinch’i wayrata sayachishajtin. Lucaspa qhelqasqan evangeliopi nin, campokunapi Jesuswan purisqankuta, chanta Samaria jinataj Galilea chay qayllaspi ima.

Leprosos: (desesperado) "¡Señor, khuyakoj Jesús yanapariwayku arí!"

Ajinata qhaparinku chunka runakuna Jesusta rikuytawanqa. Jesuspa yachachisqasnin qayllaykuspataj cuenta qokunku lepra onqoyniyoj kasqankuta. Chay onqoyqa runaj ukhumpi yanayasqallamanta rikhurispa, ujchhikamanta ujchhika aycha ismuyta qallarin, maki dedos q’etayaspa urmaran, tukuy ukhumanta aycha laq’aqakuyta qallarin.

Chay lepra onqoyniyojkuna mana nipiwan tinkunankuchu, llajtamanta karupi chhanka jusk’uspi kawsanku, llajtamanta wijch’usqas. Mana wajkunaman chimpachinankurayku nipiwan tinkunankuchu. Pillapis leprayojta rikuspa karunchakunku, Jesusrí mana.

Leprosos: (desesperados) "¡Jesús, khuyarikuwayku ari!"

Jesús: "Rispa, sacerdoteman rikuchikamuychej."

Chayta nispa Jesús kachan maypichus religiosos tantakunku, chanta chay kikillampitaj onqosqasta qhawanku nisunmanchus. Chaypi sacerdote qhawayta atin pichus lepra onqoywanchus manachus kasqantaqa.

Chay chunka runakuna chay rato t’ijunku sacerdotewan qhawachikojqa. Jinata rishaspalla cuenta qokunku:

Leprosos: "¡Thañiyachisqa kanchej, ukhunchej sano kashan manaraj onqosqa kashajtinchej jina!"

Chay chunkamanta uj kajqa chayratopacha kutirin t’ijuspa Jesús kasharqa chayman. Taripaytawantaj Jesuspa ñawpaqenman qonqorchakimanta k’umuykun:

Leproso: "Gracias, Señor, thañiyachiwasqaykimanta. Mayta pachi niyki."

Jesustaj chay runata manchay kusisqata rikuspa, tapurin:

Jesús: "¿Manachu chunka thañichisqa karqanku? ¿Maypitaj kashanku wakinri? ¿Ujllachu kutimun agradecekuspaqa?"

Arí, ujlla. Ujlla agradecespa kutin.

¿Qanrí? ¿Kunan imamantataj Jesusman pachi niwajrí?


Personajes: Relator, leprosos, Jesús

© Copyright: CEF Germany

www.WoL-Children.net

Page last modified on August 08, 2023, at 04:40 PM | powered by PmWiki (pmwiki-2.3.3)