Home -- Azeri -- Perform a PLAY -- 006 (9 to 1)
6. 9-dan 1-i
Şagirdlər Rəbb İsa ilə dəfələrlə uzun yol getmişlər. İncil Kitabını oxuyarkən onların bütün İsraili gəzib-dolaşdıqlarını görürük. Şagirdlərin xüsusi üstünlüyü var idi – onlar İsanın yanında olub Onun xəstələrə şəfa verdiyini, Səmavi Atasına dua etdiyini, bir sözü ilə tufanı yatırdığını görmüşlər.
Luka Müjdəsində bir əhvalat yazılmışdır. İsayla şagirdləri Samariya ilə Qalileya arasındakı bir kənddə toz-torpaqlı yoldan keçirdilər.
Cüzamlılar: “Ya Rəbb İsa, bizə kömək ol!”
Yolun kənarında oturan on adam İsanı tanıyıb belə haray çəkdi.
Şagirdlər yaxınlaşıb bu on kişinin cüzamlı olduğunu gördülər. Cüzam dəhşətli xəstəlikdir – dəri üzərində ləkələr əmələ gəlir, sonra adamın qol-qıçını məhv edir.
Cüzamlılar cəmiyyətdən qovulmuşdular. Mağaralarda, yaxud tarlalarda yaşamağa məcbur idilər. Heç kəsə toxunmamalı idilər. Hər kəs onlardan uzaq qaçırdı. Ancaq İsa qaçmırdı.
Cüzamlılar: “Ey İsa, bizə kömək ol!”
İsa: “Gedin, özünüzü kahinə göstərin. O sizə baxsın.”
Beləliklə İsa bu adamları məbəddə ibadətlə məşğul olan və eyni zamanda tibb üzrə səlahiyyətli şəxs sayılan adamın – kahinin yanına göndərdi. Kahin bu adamlara cüzamdan paklanmış olduqlarını təsdiq edən sənədi verə bilərdi.
Cüzamlılar dərhal yola çıxdılar. Onlar hələ yolda ikən paklanmış olduqlarını anladılar:
Cüzamlılar: “Biz sağalmışıq! Dərimiz yenə pak olub!”
Onlardan biri geri dönüb Rəbb İsanın yanına yüyürdü. İsaya yaxınlaşıb önündə diz çökdü.
Cüzamlı: “Ya Rəbb, məni təkrar sağaltdığına görə Sənə çox-çox minnətdaram!”
İsa sevinci yerə-göyə sığmayan bu adama təəccüblə baxıb dedi:
İsa: “Məgər Mən on nəfərə şəfa vermədim? Bəs qalan doqquz adam haradadır? Yalnız bir nəfər Mənə təşəkkür etməyə gəlibmi?”
Bəli, yalnız bir nəfər! On nəfərdən biri İsaya təşəkkür etmişdir.
Bəs siz, uşaqlar? Siz bu gün İsaya nəyə görə təşəkkür edə bilərsiniz?
Rollar: Aparıcı, iki cüzamlı, İsa
© Müəlliflik hüququ: CEF Germany