6. ایک سے نو

شاگرد یسوع کے ساتھ بہت دُور دُور تک چلا کرتے تھے۔ جب آپ بائبل کو پڑھتے ہیں، آپ بھی اُن کے ساتھ پورے اِسرائیل کو گھوم کر دیکھ سکتے ہیں۔شاگردوں نے بہت برکت حاصل کی تھی: وہ تب وہاں پر ہی موجود تھے جب یسوع نے بیماروں کو ٹھیک کیا تھا، جب اُ س نے اپنے آسمانی باپ سے دُعا مانگی، جب اُس نے صرف کہا ہی تو طوفان رُک گیا۔

لوقا کی اِنجیل میں، یسوع ایک دھول سے بھری ہوئی سڑک پر اپنے شاگردوں کے ساتھ چل کر ایک چھوٹے سے گاؤں میں آیا جو کہ سامریہ اور گلیل کے درمیان میں تھا۔

کوڑھی: ’’یسوع، مالک، ہماری مدد کر!‘‘

یہ وہی دس لوگ ہیں جن کو یسوع کا پتا چلا تو اُس کو پُکارنے لگے۔

جیسے ہی شاگرد نردیک آئے، اُنہوں نے دیکھا کہ یہ دس لوگ تو کوڑھی ہیں۔ کوڑھ ایک بہت ہی خوفناک بیماری ہے جس کے شروع میں جلد پر داغ جیسے نِشان بنتے ہیں پھر پورے جسم کو خراب کر دیتے ہیں۔ کوڑھیوں کوعلاقے سے باہر نکال دیا جاتا تھا۔ اُن کو غاروں میں رہنا ہوتا تھا یا پھر کھُلی فضاءمیں۔ اُ ن کو کسی کو چھُونے کی بھی اِجازت نہیں ہوتی تھی۔ ہر کوئی اُن سے دُور رہتا تھا۔ لیکن یسوع ایسانہیں کرتا تھا۔

کوڑھی: ’’یسوع ہماری مدد کیجیے!‘‘

یسوع: ’’کاہن کے پاس جاؤ۔ اُس کو اپنا آپ دِکھاؤ۔‘‘

یسوع نے یہ کہہ کر اُن لوگوں کو ایک ایسےآدمی کے پاس بھیجا جو کہ گرجا گھر میں عبادت کرواتا تھا اور وہ طبیب بھی تھا۔ کاہن ہی صرف ایک ایسا آدمی تھا جو کہ یہ بتا سکتا تھا کہ یہ دس لوگ ٹھیک ہو چُکے ہیں۔

وہ دس لوگ جلدی سے گئے اور جب وہ جا رہے تھے تو اُن کو احساس ہُوا:

کوڑھی: ’’ہم ٹھیک ہو گئے ہیں! ہماری جلد پھر سے ٹھیک لگنے لگی ہے!‘‘

ایک آدمی واپِس مُڑا اور بھاگ کر خُداوند یسوع کے پاس گیا۔ وہ جب یسوع کے پاس پہنچا تواُسے سِجدہ کیا۔

کوڑھی: ’’مالِک تیرا شُکر ہو، مجھے پھر سے ٹھیک کرنے کے لیے !تیرا بہت بہت شُکریہ!‘‘

یسوع نے اُس خوشی سے بھرے آدمی سے پوچھا اور مُسکرایا:

یسوع: ’’کیا مَیں نے پورے دس لوگوں کو ٹھیک نہیں کیا؟ دوسرے ۹ لوگ کہاں ہیں؟ کیا صرف ایک ہی آدمی میرا شُکریہ ادا کرنے واپس آیا؟‘‘

جی ہاں، صرف ایک ہی آدمی شُکر گُزار تھا۔

اور آپ؟ آپ آج کس بات کےلیے یسوع کا شُکر یہ ادا کر سکتے ہیں؟

لوگ: بیان کرنے والی، ۲ کوڑھی، یسوع

جملہ حقوق محفوظ ہیں: سی ای ایف جرمنی