Home -- Quechua -- Perform a PLAY -- 005 (God loves you)
5. Dios munakusunki
¡Imaynalla! may sumajpuni uyariwasqaykoqa, ¡mayta kusikuyku!
¿Qanri kusisqachu kashanki, chayri llakisqachu? ¿Sapayki kaspachu manchikunki? ¿Qhalisitullachu kashanki chayri onqosqachu? Mana yachanichu imaynachus kashasqaykita, jinapis sumaj willayta nisuyta munani: ¡Tata Dios munakusunki! imaynachus kanki jinata Pay munakusunki. Tata Dios janaj pachata kay pachatawan ruwashaspa qampiña yuyasharqa. Kusikorqantaj qan kanaykimanta, niraj qan paqarishajtiyki.
(Canción que habla del amor de Dios o un niño y una niña leen por turno el texto con música en el trasfondo)
Estribillo:
Tata Dios munakun tukuy wawakunata, sapa suyumanta wawakunata munakun.
Sapa ujpa sutinchejta rejsin, chanta makisnimpi waqaychawanchej.
1 Loma patapi tiyakoj kani, wasiytataj rit’imanta ruwani. Runakuna rikhurimojtinkutaj - phum phuom -, llojsini jawaman asina jina senqayoj.
2 Noqa jatuchej chujchayta simp’ani, sombreroytaj pataman jatun chhoqo. Uyayqa q’ellupacha chaypaj jinapuni.
3 Kay africa pata lomapeqa, ruphay ruphakoj jina, chayrayku yana kani, chujchaypis chhurku. Jinapis, kirusniyqa manchay yurajsitus.
Estribillo:
Tata Dios munakun tukuy wawakunata, sapa suyumanta wawakunata munakun.
Sapa ujpa sutinchejta rejsin, chanta makisnimpi waqaychawanchej.
1 Phurusniyoj phawajkuna jina alliysitullawan monte chawpipi puriykachani, imapis ch’ir nejtinkama, kikimpi mana kuyurispa tekapacha sayani.
2 May cheqapichus tiyakuni chayqa, Europa sutichasqa. Chhuru senqayoj manchay puka uyita kani.
3 Jatun karay yoqallitu kani, kayman jaqayman purej kani. Uj p’unchay janaj pachapi kaspañaqa, mañana maymampis ch’usanay kanqañachu.
Estribillo:
Tata Dios munakun tukuy wawakunata, sapa suyumanta wawakunata munakun.
Sapa ujpa sutinchejta rejsin, chanta makisnimpi waqaychawanchej.
Tata Diosqa tukuy runakunata kay pachantimpi kajkunata munakun. Kurajkunata, jinataj wawakunatapis munakullantaj. Chayrayku sapa ujpaj may k’acha waqey tiyan. Bibliapi nin:
"Diosqa chay jinatapuni kay pachapi kaj chhikata munakusqanrayku, uj k’ata Churinta qorqa. Ajinamanta pillapis paypi creejqa mana chinkayman renqachu, astawanqa wiñay kawsayniyoj kanqa." nispa. (Juan 3:16)
Tata Diospa munakuynenqa may jatun. Diostata churin Jesucristota kay pachaman kachumorqa, juchanchejrayku k’aspi cruzpi wañunampaj; p’ampasqataj karqa. Chaywampi kinsa p’unchaymanta Diostata wañusqamanta kawsaricherqa. Kunantaj Pay salvadorniyki kasqanta creenaykita munan.
La voz de Dios: "Noqa munakuyki wiñay munakuywan; chayrayku khuyakuynillaywampuni qanta pusaykachayki." (Jeremías 31:3)
¿Diospa wajyasusqanta uyarinkichu? Uyarinki chayqa, sonqoyki mayta kusikunqa ni jayk’ajtaj manchikunkiñachu. Tata Diosqa qanwampuni wiñaypaj kanqa. Munakuyninqa wiñaypaj kikillampuni.
¿Kawsaqesniyki yachankuñachu? Diostata paykunata munakusqanta willariy.
Personajes: Relator, la voz de Dios
© Copyright: CEF Germany