Platt - Low German, Dramas: Piece 147 – Gott es nuscht onmäalich 2

This page in HTML4 - Print - Bottom

Home -- Platt (Low German) -- Perform a PLAY -- 147 (Nothing is too hard for God 2)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

147. Gott es nuscht onmäalich 2

Dit es onmäalich! Gaunz onmäalich! Soo mott Abraham jedocht haben.

Wuarom? Hee wia oolt un siene Fru Sara uk. Aul lanj haud Gott iend eenen Sän vesproaken. Oba met 89 een Kjint kjrieen ooda met 99 Voda woaren, daut es doch onmäalich.

Haud Gott iend vejäten?

Abraham saut verem Hus. Daut wia Meddach un sea heet. Un oppeenmol kjrieech hee Jast. Dree Mana. Abraham deed sich deep ver iend veneijen. Ond hee daut, daut Gott selfst derch dise Mana no am kjeem?

Abraham: "Har, go nich wieda. Blieft hia. Ekj hol Wota toom Feet wauschen. Sat junt im Schauten han. Ekj woa een Äten reedmoaken."

Maun: "Doo, waut du jesajcht hast."

Abraham spood sich. Sara musst plautet Broot backen, de Kjnajcht deed een Kaulf schlachten, un Abraham stald iend een sea goodet Äten fäa daut met dikje Malch un fresche Maljch aunfonk.

Maun: "Wua es Sara diene Fru?"

Abraham: "Doa im Zelt."

Maun: "Ekj saj die de Woarheit. In eenem Joa, wan ekj wada kom, dan haft Sara eenen Sän."

(lachen)

Sara lacht. See haud tojehorcht. Onmäalich, docht see, ekj sie doch aul oolt.

Maun: "Wuarom haft Sara jelacht un haft jesajcht: Onmäalich, daut ekj noch Kjinja kjrie? Sull Gott waut onmäalich senen? In eenem Joa haft Sara eenen Sän."

Sull Gott waut onmäalich senen? Mea aus tienmol haft Gott eenen Sän vesproaken. Eenmol opp eene gaunz besondre Oat.

Gott siene Stemm: "Abraham, kjikj nom Himmel un tal de Stierns. Soo väl Nokomenschoft well ekj die jäwen."

Talen kun Abraham dee nich, oba wada opp Gott vetruen. Dee groote Stiernwelt wees am: Gott es noch jrata. Saul am waut onmäalich senen? Niemols!

Stall die daut mol fäa. Met 100 Joa wort Abraham Papa, un Sara met 90 eene jlekjliche Mama.

(Baby lacht) Dän Sän, no däm see aul soo sea lanj jeluat hauden, nanden see Isaak.

Bie Gott es nuscht onmäalich. Hee es jrata aus du denkjen kaust. Vesiekj eenmol de Stierns to talen, dann woascht du daut erkjanen.

Persoonen: Eena waut vetalen deit, Abraham, Maun, Gott siene Stemm

This page in HTML4 - Print - Top