Platt - Low German, Dramas: Piece 148 – De schwanste Priefung 3

This page in HTML4 - Print - Bottom

Home -- Platt (Low German) -- Perform a PLAY -- 148 (The hardest test 3)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

148. De schwanste Priefung 3

Es daut bie die uk soo, wan du ene School een schwoaret Exomen hast, daut du dan zemorjens wurscht aum leefsten im Bad bliewen?

Bie Abraham wia daut aundasch. Hee stunt aul sea tiedich opp. Sien Exsomen wia nich met Räakjnen ooda Spanisch. Gott deed sienen Gloowen priefen.

Gott siene Stemm: "Abraham!"

Abraham: "Hia sie ekj"

Gott siene Stemm: "Nem Isaak, dienen eensjen Sän, däm du goot best un go no daut Launt Morija. Doo am opp eenem Boajch opfre, däm ekj die wiesen woa."

Wäa Gott nich kjant un leeft, dee wudd denkjen, Gott es grausam. Abraham haft nuscht beeset äwa sienen Priefa jedocht.

De Bibel sajcht gaunz eefach: Abraham stunt tiedich opp, un soddeld sienen Äsel. Hee deed Holt hacken, naum twee Kjnajchte un sienen Sän Isaak.

120 Kilomeeta jinjen see. Een wieda Wajch, opp däm maun uk leicht wada haud kunt omdreien.

No dree Doag sach Abraham dän Boajch. Hee dreid sich om no siene Kjnajchte.

Abraham: "Blieft hia met däm Äsel. Ekj un mien Sän woaren dorthan gonen un Gott aunbäden. Un dan kom wie trij."

Hast du jehieet? Abraham säd: Wie komen trij. Hee jleewd faust, daut Gott Isaak wada läwendich moaken wudd.

De Sän druach daut Holt, de Voda daut Jefäss met jläjende Kolen un daut Masa. Soo jinjen see toop wieda.

Isaak: "Papa!"

Abraham: "Jo mien Sän."

Isaak: "Wie haben Holt in Fia. Oba wua es daut Schop toom opfren?"

Abraham: "Daut woa wie Gott äwaloten. Hee woat fa een Opfa sorjen."

Aus see aunjekomen wieren, bud Abraham eenen Aultoa un flied Holt doa nopp. Hee deed Isaak binjen un läd am doa nopp. Dan naum hee daut Masa.

Enjel: "Abraham! Abraham!"

Abraham: "Hia sie ekj."

Enjel: "Doo däm Junj nuscht. Nu see ekj, daut du Gott mea leefst aus dienen enschen Sän."

Abraham haud dee schwanste Priefienj bestonen.

Een poa Meeta von Morija auf stunt lota daut Kjriez, aun däm Gott sien eensja Sän, Jesus, jeopfat haud, doamet wie derch dän Gloowen aun am, siene Kjinja woaren.

West du nu een kjlienet Jebäd met mie sajen?

"Har Jesus, ekj well aun die jleewen, soo aus Abraham daut deed. Waut kaun däm passieren, waut soo eenen Gloowen haft!"

Persoonen: Eena waut vetalen deit, Abraham, Gott siene Stemm, Isaak, Enjel

This page in HTML4 - Print - Top