STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 148 (The hardest test 3)

Previous Piece -- Next Piece

DRAMAS -- perform them for other children!
Plays for children to perform

148. Tatit Jesusajj wawanacarojj munasiwa 3


Cuna pachatejj escuelan wali ch’ama examinanïta ucjajja ¿janit iquiscaña utana ucat jan escuelar sarjjañajj jutctamjjä?

Antisas Abrahamajj yakh luratayna. Alwataw sartasitayna. Jupan examinapajj janiw matematicäcänti inglesäcäncha. Diosajj iyawsañap yant’äna.

Voz de Dios: “¡Abraham!”

Abraham: “Acancasctwa.”

Voz de Dios: “Isaacar irpjjarum, juman sapa munat wawama ucat Moria chekar saram. Mä kollu patjjan uñacht’aycämajja ucan loktam.”

Qhititëjj Diosar jan uñtqui janirac muncaraquejja Diosajj wali phirucaspa uca amuyani. Ucampis Abrahamajj janiw uqhamjj amuycänti. Diosaru qhititejj uca ch’ama yänt’a apayancänjja ucarojj uñt’änwa.

Bibliajj wali khan sasquistu: Abrahamajj alwat sartatayna ucat asnop sillt’atayna. Phäñjj apjjart’asitayna, pä uywatanacaruw jawsatayna uqhamarac wawaparu.

120 kilometronaca sarapjjatayna. Jaya sarañänwa, ucanjj jasaquiw cut-taspän amtapata ucat cuttjjañataqui. Quimsürutsti Abrahamajj koll uñjj-jjatayna. Ucat uywatanacapar satayna:

Abraham: “Acan asnomp cuna suyt’apjjeta. Wawajämp nayampejj qhayacamaw Diosar yupaychïri sarapjjä. Ucat cut-tanepjjä.”

¿Sumt ist-ta? Abrahamajj cut-tanipjaw sänwa. Take chuymaw creyïna Diosajja jacañ Isaacarojj wastat cut-t’ayañapa.

Wawapajj phäñ apäna, awquejj nin apäna cuchill uqhamaraqui. Uqham chicaw sarapjjäna.

Isaac: “Papit”

Abraham: “Cun, wawa.”

Isaac: “Phäñas, ninas utjjestuwa. ¿Ucampis cawqhanquis ovejajj loktañataqui?”

Abraham: “Diosaw uc uñjascani. Jupaw uc waquichascani.”

Uca chekar purisinsti Abrahamajj mä altar luratayna ucat phäñanac apjjatt’atayna. Isaacarojj phäñ patjjarüw chinjjatatayna. Ucatjj cuchill ayjjarutayna…

Ángel: “¡Abraham! ¡Abraham!”

Abraham: “Acäsctwa.”

Ángel: “Jan cuns wawar lurämti. Jichhaw uñjta Diosaruw juc’amp muntajja pachpa wawamat sipansa.”

Abrahamajj wali ch’ama yant’a pasawayatayna.

Walja maranac khepatjja, mä kawkha metronaca Moria kollutjja, cruzaw sayt’awayi, ucanjja Diosaw Jesús sapa wawaparu loktawayi, ucat jiwasanacajja Jupar iyaw sasina Diosan wawanacapa tucjjañasataqui. ¿Mä jisc’a oración nayamp lurañ munasmati?

“Tatit Jesús, Abraham creyquejja uqhama yanapt’it creyiña. Cunalaycutejja janiw cuna jan walisa pascaspati qhititejja ucch’a iyawsañaniqui ucarojja.”


Uñstirinca: Parliri, Abraham, voz de Dios, Isaac, ángel

© Copyright: CEF Germany

www.WoL-Children.net

Page last modified on October 08, 2018, at 02:23 PM | powered by PmWiki (pmwiki-2.2.109)