STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 149 (It‘s difficult for Inam 1)

Previous Piece -- Next Piece

DRAMAS -- perform them for other children!
Plays for children to perform

149. Inamajj ch’ama jacañaniwa 1


Isi canastajj jathïnwa. Jawiraruw Inamajj apäna. Jawir lacanjja k’añu is apjjarutayna, umaruw apantatayna ucata jach’a kaljjaruw kaksüna.

Ch’ama tucuñänwa. Janiw tajjsuñ maquinajj ch’umi mankhan utjcänti.

Chiar ajanupanjja jachhanacaw jalaratayna. Mä cutimpiwa wali t’akhesiña catokatayna. Pamp uñtatayna ucat amtararaquïnwa cunapachatejj arrozajj jisc’anacäscäna.

(musicaw mankhan ist’asi)

Inam: “Ucapachawa yakha marcanacata Indonesiaru purinipjjatayna ucat mä jisc’a lawanacat iglesia lurapjjatayna. Takeniw ucar sarapjjaspäna. Nayajj uñch’uquiscayätwa lawa p’iyanacata jiwa kochunac k’ochur ist’araquïyätwa. Ucatsti mantayätwa Jesusan muspharcañ historianacap ist’añataqui; cunjamsa jiwasanac laycu cruzan jiwcatayna ucanaca.
Amtayätwa jupamp jacañataqui ucat orayäta. Cuna pachatejj aquinacajaru uc cuentayätjja, wal culirasipjjäna ucat nuwjapjjetuwa.”

(música tucuyaña)

Inamajj jachänwa, janiw nuwatatjja, jan ucastï awquinacapata.

Inam: “Tatit Jesús, awquinacajjäjj jumar creypan uc anch münta ucat cielor puripjjañapataqui. Janiw chhakhañap müncti.”

Isi canastjja Inamajj aptänwa ucat utaparuw cutt’äna.

Mamá (culirata): “¿Cunats uqham c’achäta? ¡Ratuc unjtam! ¡Arroz phaycatam!”

Mank tucuyjjasinjja utar jist’antatänwa. Ucampis cunapachatejj ch’ujuquïjjänjja, ventän-namaw mistuwayäna ucatsti ch’umi jach’a pastonac pasasinjja jisc’a iglesiaruw saräna.

(Mä Indonesianquïr música manqhana)

Janiw cultot chhakhasiñ muncänti, iglesian tantachäwi. Kochunacasa uqhamaraqui Biblia textonac yatekcäna ucanacac machak ch’am churäna. Ucampisa utapanjja awquinacapajj wastat lawampiw suyapajjäna.

Ch’amänwa Inaman jacañapataquejj Jesusar creyïtap ucsarujja. Awc taycajj wal muwapjjäna, ucampisa, uqhamäsquipansa. Jesusarojj confiascaquïnwa.

Cunapachatejj usuntataynajja, mamapajj laykaruw thakher saratayna. Jupajja umanac quit-tatayna ucat jan amuyañ arunac säna. Inamajj amuyascänwa cunjams jan uca umjj umt’aspa uca. Laykajj jar churäna ucat mamapastï art’ataynawa.

Mamá: “¡Cocinar sarañajjäwa, arrozaw naqhantasqui!”

Laykajj mamap chicaw saratayna ucat Inamajj apuraw uca umjja ventanat wartatayna. ¡¡Quitis yatispastï…!!

Jutirinjja aca historiampi sarascaquiñäniwa.


Uñstirinaca: Parliri, Inam, mamá

© Copyright: CEF Germany

www.WoL-Children.net

Page last modified on October 08, 2018, at 02:24 PM | powered by PmWiki (pmwiki-2.2.109)