STORIES for CHILDREN by Sister Farida

(www.wol-children.net)

Search in "Macedonian":

Home -- Macedonian -- Perform a PLAY -- 102 (Out in the open 2)

Previous Piece -- Next Piece

КУСИ ИЗВЕДБИ – одглуми ги пред други деца!
Куси изведби за да ги изведуваат деца

102. На отворено 2


Било Божјо чудо што бебето било сè уште живо. Фараонот дал заповед сите израелски машки бебиња да се фрлат во реката Нил. Но, кога ќерка му, принцезата, нашла бебе во кошница во Нил, се сожалила. Принцезата го дала бебето на мајка му да се грижи за него неколку години.

Мојсеј (како дете): „Мамо, зошто повеќе не можам да останам со тебе? Ќе дојдеш ли со мене?“

Мајката: „Не можам мило мое. Но ќе мислам на тебе цело време“.

Мојсеј (како дете): „Повеќе би сакал да останам со тебе“.

Но тогаш требало да се збогуваат.

Принцезата го посвоила младото момче и му дала име Мојсеј.

Мојсеј одел во најдобрите училишта и вредно учел. Бил привилегиран. Мојсеј станал богат човек.

Но во срцето никогаш не заборавил дека припаѓа на Божјиот народ. На луѓето кои биле робови повеќе од 300 години во земјата Египет.

Мојсеј: „Јас сум син на царот. Имам сè што сакам. Многу сум богат. Но какво добро ми носи тоа? Во срцето чувствувам дека треба да му помогнам на мојот народ“.

Мојсеј доброволно Му дал сè на Бог. Тој претпочитал да биде презиран отколку почестен, претпочитал да биде роб отколку принц.

Затоа заминал од палатата. Малку подоцна видел Израелец кој бил тепан од Египќанец. Мојсеј погледнал наоколу и кога видел дека никој не го гледа, го претепал Египќанецот до смрт и го закопал неговото тело во пустинскиот песок.

Бог сакал да го исползува Мојсеј за да ги ослободи Неговите луѓе од ропство, но не на овој начин.

Луѓето дознале за тоа. И фараонот дознал и сакал да го убие Мојсеј. Затоа Мојсеј избегал во туѓа земја. Дали тогаш било предоцна? Може ли Бог да ползува убиец како Мојсеј?

(звук на блеење на овци) Околу 40 долги години Мојсеј ги пасел овците на друг човек. Кога го носел стадото на тревните пасишта имал многу време за размислување.

Тој не го заборавил Бог и Бог не го заборавил него.

Одеднаш Мојсеј застанал.

Мојсеј: „Невозможно! Ова, едноставно, не е можно. Грмушка што гори. Запалена. Но многу е чудно – грмушката воопшто не изгорува“.

Тајната на грмушката што гори ќе биде откриена во следната драма.


Улоги: Раскажувач, Мојсеј (како дете), мајката, Мојсеј.

© Copyright: CEF Germany

www.WoL-Children.net

Page last modified on August 08, 2023, at 08:54 AM | powered by PmWiki (pmwiki-2.3.3)