STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 157 (Esther risks her life 2)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

157. Ester kawsayninta churan 2


Amán sutiyoj runaqa manchay sajra, pay kikin maypaj qhawakoj runa kasqa. Atiyniyoj rey Persia suyumanta Asueroqa paña makin jina kanampaj chay sajra runata churaykusqa, chayrayku tukuy k’umuykusopa may jatun repetowan napaykoj kasqanku. Arí, tukuy, ujlla manaqa: Mardoqueo, pichu reina Esterta juch’ustumantapacha wawanta jina uywakusqa chay runa, Pay á mana k’umuykuspa napaykoj kasqa, chayraykutaj Amán manchayta phiñakoj kasqa.

Amán: "Kamachisqata qan mana junt’ankichu, ¿imaraykutaj mana ñawpaqeypi mana k’umuykunkichu?"

Mardoqueo: "Imaraykuchus noqa judío kani, chayrayku kawsaj Diosllaman noqa k’umuykukuni."

Amán: "Ajá, chay nisqaykimanta pagariwanki."

Amánqa may k’umuykachachisqa jina chay nisqanmanta, uj sajra wakichiyta sonqoymi wakichiyta qallarisqapacha.

Amán: "Wañorpachisajpuni, chanta manataj payllatachu, manachayqa tukuynin judíokunata 127 provinciakunapi tiyakoj chhikata Persia suyumanta. Chinkasqata chinkachisaj."

Amán judiokunamanta reyman parlayta qallarisqapacha, lluk’iykuspa ima tukuy imaymapi imatachus wakichisqanta yá, nichisqa reytaqa. Permisota orqhorisqa judiokunata tukuysituta chinkarpachinampaj, caballospi t’ijojman cartasta aparichisqa reypa sellonwan sellasqata tukuy llajtakunaman. Tukuy chay jallp’api mana allin wakichisqan willayta junt’aykuchisqa:

Mensajero: "Reypa kamachisqan (decreto) kay jina: 13 p’unchay kashajtin 12 killapi tukuy judiokuna chinkachisqa kananku tiyan, qharikuna, warmikuna, wawas tuku tukuypuni. ¡Nipi kawsashaj qhepachunkuchi! ¡imakunchus tiyapusqantapis tukuyta qhechuychej!"

Chay kamachiyqa manchayta waqachisqa judiokunata, imanakuyta mana atisqankuchu. Qhasqa llakiy p’achawan p’achallikusqanku, mayta waqaspa Diosman qhaparikusqanku.

Mardoqueota usqay usqayta kamachina palacioman chaymanta willachisqa, chaypeqa nipipis yanapayta atinmachu karqa, uywajkusqa wawan Esterlla.

Mardoqueo: "Ester, reyman rispa parlamunayki tiyan. Rogamuyta ama tukuchinawanchejta."

Ester: "Chayqa atikunmanchu, nipi reypa ñawpaqenman rillanmanchu, mana reypa wajyasqallanqa, sichus mana wajyasqalla yaykuyman chayqa, atinku wañuchiwaytapis."

Mardoqueo: "Ama ch’in kaychu arí, chaychus reyna kayman chayarqanki noqaykuta salvanawaykupaj."

Ester: "Jina chayqa Diosmanta mañaychej noqanejta. Risaj reypajman. ¡Sut’in wañusaj chaypis wañusajchá!"

Chay reyna Ester jina, Jesúsqa kawsayninta noqanchejrayku qorqa. Jesusqa noqanchejnejta wañuchisqa kanampaj dispuesto kasqa, salvasqa wiñay kawsayniyoj kananchejpaj.

Esterqa aswqan k’achito p’achanta churaykukuspa, mayta kharkatispa, maypichus rey tiyasqa kashasqa chayman qayllasqa. Reyqa yaykushajta rikuspa, jap’eqanmanchu karqa, chayri…

Chaymanta qhepampi willasqayki.


Personajes: Relator, Amán, Mardoqueo, Ester, mensajero

© Copyright: CEF Germany

www.WoL-Children.net

Page last modified on August 08, 2023, at 05:14 PM | powered by PmWiki (pmwiki-2.3.3)