STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 157 (Esther risks her life 2)

Previous Piece -- Next Piece

DRAMAS -- perform them for other children!
Plays for children to perform

157. Esterajj jacañapampiw luri 2


Amanajj ajjtañ uqhamarac jach’a jach tucur jakënwa. Asuero Persia jach’a reyijj takpach marc payïr jakeruw uchatayna. Takeniw jupa nayrakatapan alt’apjjäna uqhamarac respetapjjäna. Takeni, mayniquiw janijja: Mardoqueo Ester reinan uywasir awquipa. Jupajj janiw alt’cänti ucat Amanajj wali culiratäna.

Amán: “¡Ucajj ordenanac jan phokhañawa! ¿Nayrakatajjän cunats jan alt’cta?”

Mardoqueo: “Nayajj judiotwa ucat jacquir Dios nayrakataparuquiw alt’ta.”

Amán: “¡Uñt’itätawa!”

Amanajj wal ñankhachasitayna ucat chuymapan mä supay amtaw mantatayna.

Amán: “Jiwjayäwa. Janiw juparukejja, jan ucasti takpach judionac 127 Persia provincian jacapqui ucanacampacharu. Tucjapiniwa.”

Amanajj jan walinac judionacat reyirojj parläna, wal k’ayachatayna ucatjja amtayataynaw amtap lurañataqui. Cuntejj lurañ muncän ucataquejja licencia apsutayna.

Suma caballonacat takpach ciudadanacaruw cartanac sellontat mensajeronacar apayatayna.

Take chekanwa mä wali ajjsarcay decreto yatiyäna:

Mensajero: “Reyin decretopa: 13 uruna 12 phajjsina take judionacaw tucjatañapa, chachanaca, warminaca uqhamarac wawanaca. ¡janiw qhitis jacañapaquiti! ¡Yänacap apsupjjam lunthatsupjjam!”

Aca decretojja jach’pin ajjsarayäna. Judionacajj lut-t’asipjjataynawa. Jach’apjjatänawa uqhamrarac Diosaruw arnakasipjjäna. Mardoqueojj mä ewjja ratuquiw palacior apayatayna. Jichhajj janiw qhitis yanapacaspänti – inas Ester uywat phuchhapajja.

Mardoqueo: “Ester, sarañamaw ucat rey nayrakatar uñstañamaw. Rogt’am jacañ perdonïstpan.”

Ester: “Ucajj janiw casüquiti. Janiw qhitis rey nayrakataparojj uñstcaspati, janitï jupajj jawscchejja. Nayajj uñstirista jan jawsatajja inas jiwañajjachispa.”

Mardoqueo: “Jan amuquïmti. Inas reinär tucsta, juma toke khespitäñataqui.”

Ester: “Diosar jacäwejjataqui mayipjjam. Reyï ucar saraw. ¡Jiwchejja, jiwäjjay!”

Esterjamajja Jesusaw jacañap jiwasanac laycu churi. Jupajj pustön jiwañataquejja, jiwasanaca khespitäñasataqui uqhamat wiñay jacañanïñataqui.

Esterajj wali jiwaqui isi ucht’asitayna. Chuymapajj wal phothokëna. Salaparojj jac’achasïnwa, cawqhancäntejj reyin konuñapajja. Reyijj jutir uñjataynawa. Katokpachäniti – inas…

Jutirinwa cuent-t’äma.


Uñstirinaca: Parliri, Amán, Mardoqueo, Ester, mensajero

© Copyright: CEF Germany

www.WoL-Children.net

Page last modified on October 08, 2018, at 02:35 PM | powered by PmWiki (pmwiki-2.2.109)